මෙවර කැලණිය විශ්වවිද්යාලයේ පාලි බෞද්ධ අධ්යයන පශ්චාත් උපාධි ආයතනය පැවැත් වූ බෞද්ධ අධ්යයන ශාස්ත්රපති උපාධිය, 97 හැවිරිදි විතානගේ ලීලාවතී ඇස්ලින් ධර්මරත්න මාතාව විසින් හිමිකරගෙන ඇත. (Sri Lanka Latest News)
මෙම ශාස්ත්රපති උපාධිය සඳහා ඇය පාලි නිකායගත බෞද්ධ චින්තනය, බෞද්ධ කලා හා ගෘහ නිර්මාණ (ශ්රී ලංකාව) බෞද්ධ මනෝ චිකිත්සාව, බෞද්ධ ආර්ථික දර්ශනය, ථෙරවාදී සම්ප්රදාය, ඉතිහාසය හා ධර්ම කරුණු, බෞද්ධ ආචාර ධර්මය, සංකල්ප හා දාර්ශනික අර්ථකථනය, පර්යේෂණ ක්රමවේදය හා විස්තාරිතාවරණය යන විෂයන් සඳහා පෙනීසිට ඇත.
ඇය කැලණිය විශ්වවිද්යාලයේ වයසින් වැඩිම ශිෂ්යාව වීම සුවිශේෂත්වයකි.
ඇය මෙහි නිබන්ධනය වූ විස්තාරිත රචනා පර්යේෂණ මාතෘකාව ලෙස ඇම්බැක්ක දේවාලයේ ලී කැටයම් තුළින් පිළිබිඹු වන අතීත ජීවන රටාව පිළිබඳ විමර්ශන ලිපියක් ද සම්පාදනය කර තිබිණි.
ඇස්ලින් ධර්මරත්න මාතාව වයස අවුරුදු 94දී විද්යෝදය විශ්වවිද්යාලය මගින් පැවැත්වූ ත්රිපිටක ධර්මය හා පාලි භාෂා පරීක්ෂණ විභාගයට පෙනී සිට එයද සමත්ව ඇත.
ඇස්ලින් ධර්මරත්න 1928 වර්ෂයේදී හොරණ මිල්ලෑවේදී උපත ලබා ඇති අතර, ඇය අධ්යාපනය ලබා ඇත්තේ මිල්ලෑව බාලිකා විදුහලෙනි. කලක් ඉංග්රීසි ගුරුවරියක් ලෙස සේවය කර පසුව 1961 වසරේදී නොතාරිස් විභාගයට පෙනී සිටිමින් ලංකාවේ ප්රථමයා ලෙස ඉහළ ලකුණු ලබමින් එම විභාගයෙන් ඇය සමත්ව ඇත. ලාංකික නොතාරිස්වරුන්ගේ සම්මේලනයට සහභාගි වූ එකම කාන්තාව ලෙස ලිලාවතී ධර්මරත්න මහත්මිය වාර්තාගතවී ඇත.
මෙම දිරිය කාන්තාවට දියණියන් සිවුදෙනකු සිටින අතර, ඔවුන්ද ඉහළ අධ්යාපන සුදුසුකම් සපුරා විවිධ වෘත්තීන්වල නියැළී සිටියි.
ඇගේ වැඩිමහල් දියණිය බස්නාහිර පළාත් සෞඛ්ය අධ්යක්ෂවරියක්ද ලෙසද, දෙවැනි දියණිය ඔස්ටේ්රලියාවේ විශ්වවිද්යාලයක මහාචාර්යවරියක් ලෙසද, තුන්වැනි දියණිය නාවලපිටිය පත්තුණුපිටිය මහ විදුහලේ ගුරුවරියක් ලෙසද, සිවුවැනි දියණිය වැඩබලන මහෙස්ත්රාත්වරියක් ලෙසද සේවය කරති.
රටට වැඩදායී දියණිවරුන් සිවුදෙනකුගේ මවක් වූ ඇස්ලින් ධර්මරත්න මහත්මිය, ජීවිතය ඉදිරියට පැමිණි සියලු අභියෝග ජයගෙන තවමත් සිය අධ්යාපන කටයුතුවල නියැළෙමින් සිටින්නීය.
‘මව්රට’ අපි ඇයට නිදුක් නිරෝගී සුව ප්රාර්ථනා කරමු.
ඇස්ලින් ධර්මරත්න මාතාව සිය දියණිවරුන් සහ මුණුබුරු මිණිබිරියන් සමග
