ශ්රී ලංකා හිටපු ක්රිකට් ක්රීඩක සචිත්ර සේනානායකට එරෙහිව අපරාධ චෝදනා ගොනු කරන ලෙස නීතිපති දෙපාර්තමේන්තුව ක්රීඩා අමාත්යාංශයේ විශේෂ විමර්ශන ඒකකයට කළ නියෝගය අනුව අවශ්ය නීතිමය පියවර ගැනීමට ක්රීඩා අමාත්යාංශය සූදානම් වේ. Sri Lanka Latest News
මේ සම්බන්ධව අද පෙරවරුවේ ක්රීඩා අමාත්යාංශයේ ලේකම් කේ. මහේෂන් මහතා හා ක්රීඩා අධ්යක්ෂ ජනරාල් ආචාර්ය ෂෙමාල් ප්රනාන්දු මහතා අතර විශේෂ හමුවක් පැවැත්වෙන අතර, එහිදී ක්රීඩා තරග පාවාදීම හා වැළැක්වීම උදෙසා පිහිටුවා ඇති විශේෂ පොලිස් විමර්ශන ඒකකයේ ඇති සචිත්ර සේනානායක සම්බන්ධ ලිපි ගොනු පරීක්ෂා කිරීමට නියමිතය.
මේ පිළිබදව ක්රීඩා අධ්යක්ෂ ජනරාල් ආචාර්ය ෂෙමාල් ප්රනාන්දු මහතාගෙන් කළ විමසීමකදී පැවැසුවේ “ලිපිගොනු පරීක්ෂා කිරීමෙන් අනතුරුව ඉදිරි කටයුතු කිරීමට අප බලාපොරොත්තු වෙනවා” යනුවෙනි.
හිටපු ක්රීඩක සචිත්ර සේනානායක 2020 වසරේ පැවැති ලංකා ප්රිමියර් ලීග් පළමු අදියරට සහභාගී වූ ක්රිකට් ක්රීඩකයින් දෙදෙනෙකුට දුරකතන ඇමතුම් මඟින් තරග විෂමාචාරයකට පොලඹවා ගැනීමට කටයුතු කර ඇතැයි අයිසීසීය චොදනා ගොනු කළේය. එහිදී ඔහු සතු ජංගම දුරකතන දෙකක් ද අත්අඩංගුවට ගැනුණි.
එම විමර්ශනය අවසන් වී ඇති අතර, ඔහුට එරෙහිව ප්රමාණවත් කරුණු අනාවරණය වී ඇති හෙයින් 2019 අංක 24 ක්රීඩා වැරදි වැළැක්වීමේ පනතට අදාළව අපරාධ චෝදනා ගොනු කරන ලෙස නීතිපති දෙපාර්තමේන්තුව ක්රීඩා අමාත්යාංශයට දැනුම් දී තිබේ.
කෙසේ වෙතත් සචිත්ර සේනානායක කලින්ම එම චෝදනා ප්රතික්ෂේප කරමින් තමාට අපහාස කිරීමේ සහ මඩ ගැසීමේ අදහසින් ඇතැම් පිරිස් ගොතන ලද චෝදනා බවට ප්රකාශයක් ද කළේය. එයට අමතරව 2021 මාර්තු මාසයේදී තරග පාවාදීමේ චෝදනා සම්බන්ධයෙන් තමන් අත්අඩංගුවට ගැනීම වළක්වන ලෙස ඉල්ලා සචිත්ර, කොළඹ මහේස්ත්රාත් අධිකරණයට අපේක්ෂිත ඇප අයදුම්පතක් ගොනු කළ නමුත් මහේස්ත්රාත්වරයා එය ප්රතික්ෂේප කළේය.
2019 නොවැම්බර් මස 22 වැනිදා ක්රීඩාවට සම්බන්ධ වැරදි වැළැක්වීමේ පනත බලාත්මක කිරීම මඟින් ක්රීඩාවේ දූෂණ දඬුවම් ලැබිය හැකි වරදක් බවට පත් වූ අතර, එම නීතිය ක්රියාත්මක වීමෙන් පසු පැවැත්වෙන පළමු නඩු විභාගය සචිත්රගේ අධිකරණ ක්රියා මාර්ගය වනු ඇතැයි නීති විශාරදයෝ පෙන්වා දෙති.
ක්රීඩාවට සම්බන්ධ වැරදි වැළැක්වීමේ පනතේ නිශ්චිතව දක්වා ඇති වරදක් සිදු කරන යම් තැනැත්තෙකු වරදකරු කරනු ලැබීමේදී, ශ්රී ලංකා රුපියල් මිලියන 100කට වැඩි නොවන දඬයකට හෝ අවුරුදු 10ක් නොඉක්මවන කාලයක් සඳහා බන්ධනාගාරගත කිරීමකට හෝ ඒ දඩය සහ බන්ධනාගාරගත කිරීම යන දඬුවම් දෙකට ම හෝ යටත් විය යුතු ය යනුවෙන් සඳහන් වී තිබේ.
ශ්රී ලංකාව වෙනුවෙන් ටෙස්ට් තරගයකට ක්රීඩා කළ 38 හැවිරිදි සචිත්ර සේනානායක එක්දින ජාත්යන්තර තරග 49 කදී කඩුලු 53ක්, විස්සයි20 තරග 24 කදී කඩුලු 25ක් හා ලංකා ප්රිමියර් ලීග් තරග 8කදී කඩුලු 9ක් දවාගෙන ඇත.
