දේශීය ණය ප්රතිව්යුහගතකරණය කිරීමේ වැඩසටහනට (DDR) අදාළ යෝජනාව සම්බන්ධයෙන් ලබාදුන් තීන්දුව ඉල්ලා අස්කර ගන්නා ලෙස විපක්ෂයේ මන්ත්රීවරුන් කළ ඉල්ලීම කථානායක මහින්ද යාපා අබේවර්ධන අද ප්රතික්ෂේප කළේය.Sri Lanka Latest News
ව්යවස්ථාදායකය විසින් සම්මත කරන ලද යෝජනාවකට එරෙහිව කිසිදු ආකාරයක නියෝග හෝ තීන්දු නිකුත් කිරීමට අධිකරණයට බලයක් නොමැති බවට කථානායකවරයා අගෝස්තු 09 වැනිදා ලබාදුන් තීන්දුව නරක පූර්වාදර්ශයක් විය හැකි බවත්, එය පාර්ලිමේන්තුව සහ අධිකරණය අතර ගැටුමකට තුඩු දෙන බවත් විපක්ෂ මන්ත්රීවරු පෙන්වාදුන්හ.
“මම නීති උපදෙස් ලබාගෙන තීන්දුව ලබාදීමට පෙර අදාළ සියලු කරුණු සොයා බැලුවා. ඒ වගේම මම මගේ තීන්දුවේ කිසිම උසාවි නඩුවක් ගැන සඳහන් කළේ නැහැ. ඒ නිසා මම ඒක ඉල්ලා අස්කරගන්නේ නැහැ.” යැයි කථානායකවරයා ඊට ප්රතිචාර දක්වමින් පැවසීය.
