රජයේ රෝහල්වල හදිසි ප්රතිකාර ඒකකයන්හි සේවය කළ විශේෂඥයන් 30 දෙනාගෙන් 23 දෙනකුම මේ වන විට රට හැරගොස් ඇතැයි රජයේ වෛද්ය නිලධාරීන්ගේ සංගමය සඳහන් කරනවා. මිට අමතරව ස්නායු රෝග විශේෂඥ වෛද්යවරුන් 29 දෙනාගෙන් පස් දෙනකුම මේ වන විට රට හැරගොස් ඇතැයිද එම සංගමයේ සභාපති විශේෂඥ වෛද්ය දර්ශන සිරිසේන සඳහන් කරනවා.Sri Lanka Latest News
විදේශ පුහුණුව නිමකර මෙරටට පැමිණි විශේෂඥ වෛද්යවරු 8 දෙනාගෙන් මෙරට රැදී ඇත්තේ දෙදෙනකු පමණක් බවත් ඉතිරි අය මේ වන විට රට හැරගොස් ඇති බවත් පවසන විශේෂඥ වෛද්ය දර්ශන සිරිසේන කියන්නේ මෙය මහත් ඛේදවාචකයක් බවට ඉදිරි වසර කීපය තුළදී පත්වීම පුදුමයක් නොවන බවයි.
සාමාන්ය වෛද්යවරයකු බිහිකිරීමට වසර 7ක පමණ කාලයක් ගතවන අතර, විශේෂඥ වෛද්යවරයකු බිහිකිරීමට වසර 10ක පමණ කාලයක් ගතවීම හේතුවෙන් මෙලෙස රට අතහැර යාමේ බරපතලකම තේරුම් ගතහැකි තත්වයක් බව ඔහු පවසනවා.
වෛද්යවරුන්ට නිසි වැටුපක් නොදීම, නිල නිවාස නොමැතිකම වැනි හේතු නිසා ඔහුවු රටහැර යාම පුදුමයක් නොවන බවත්, මොවුන් මෙරට රඳවා ගැනීමට සෞඛය අමාත්යංශය තුළ නිසි වැඩපිළිවෙළක් නොමැති බවත් විශේෂඥ වෛද්ය දර්ශන සිරිසේන කියනවා.
