පළාත් පාලන මැතිවරණය නොපවත්වා පනතක් සම්මත කර ගනිමින් පළාත් පාලන ආයතනවල නිල කාලය දීර්ඝ කිරීමට නීත්යානුකූලව හැකියාව තිබුණද එය සදාචාරාත්මක නොවන බව මැතිවරණ කොමිසම ප්රකාශ කළේය.Sri Lanka Latest News
මැතිවරණයකින් තොරව පළාත් පාලන ආයතනවල නිල කාලය දීර්ඝ කිරීමට පළාත් පාලන අමාත්යවරයාට බලය ලබාදෙන ලෙස ඉල්ලා ශ්රී ලංකා පොදුජන පෙරමුණේ ආණ්ඩු පක්ෂයේ පාර්ලිමේන්තු මන්ත්රී ජයන්ත කැටගොඩ මහතා විසින් පෞද්ගලික මන්ත්රී යෝජනාවක් බදාදා (5) පාර්ලිමේන්තුවට ඉදිරිපත් කරන ලදී.
ඊයේ (6) ‘මෝනිං’ පුවත්පත වෙත අදහස් දක්වමින් මැතිවරණ කොමසාරිස් ජනරාල් සමන් ශ්රී රත්නායක කියා සිටියේ පනතක් සම්මත කිරීම හරහා පළාත් පාලන ආයතනවල නිල කාලය දීර්ඝ කිරීමට නීතිමය හැකියාවක් පවතින නමුත් එය සදාචාරාත්මක නොවන බවයි.
“මේ පනත එච්චර දුර යයි කියලා අපි විශ්වාස කරන්නේ නැහැ. ජනතාව පළාත් පාලන මන්ත්රීවරුන්ට සහ මන්ත්රීවරුන්ට වසර හතරක් පමණක් බලය දී තිබියදී මේ ආකාරයට ඔවුන්ගේ ධුර කාලය දීර්ඝ කිරීම සදාචාරාත්මක නැහැ. සමහර හිටපු පළාත් පාලන මන්ත්රීවරුන් සහ මන්ත්රීවරුන් පළාත් පාලන මැතිවරණය සඳහා නාමයෝජනා භාර දී තිබෙනවා.”
