මීට පෙර ‘රාජ්ය රහස්’ තීරය ඔස්සේ වරක් අප ජනාධිපතිවරයා උතුරු නැගෙනහිර පළාත්වලට පමණක් පළාත් සභා මැතිවරණය පවත්වා එහි ප්රතිඵල ඉන්දියාවට පෙන්වීමට සැලසුම් කළ මෙහෙයුමක තොරතුරු අනාවරණ කිරීමට පියවර ගත්තෙමු. නමුත් එම තොරතුර වාර්තා වූ වහා ඉන්දියාව ඊට විරෝධය පළ කළ ආකාරයත්, යම් හෙයකින් උතුරු නැගෙනහිරට පමණක් පළාත් සභා මැතිවරණය පැවැත්වීමට පියවර ගතහොත් යළිත් රට තුළ ජාතිවාදී ගැටුම් ඇතිවීමේ ඉඩකඩක් ඇති බව ඉන්දියාව එහිදී දැනුම් දී තිබූ බවත් අපි අනාවරණ කර සිටියෙමු. ඒ අනුව ජනාධිපතිවරයා එම වෑයම අකුලා ගත් බවද අපි පෙන්වා දුන්නෙමු. තවදුරටත් අප පෙන්වා දුන්නේ පළාත් සභා මැතිවරණය කැඳවීමෙන් පසු එය පවත්වන ආකාරය තීන්දු කරන්නේ මැතිවරණ කොමිසම විසින් බවත්, ජනාධිපතිවරයාට ඒ සම්බන්ධයෙන් කිසිදු බලපෑමක් කළ නොහැකි බවත්ය. Sri Lanka Latest News
අන්තරවාර පාලනයක් දෙන්නම්!
කෙසේ වෙතත් ජනාධිපතිවරයා පළාත් සභා මැතිවරණය සම්බන්ධයෙන් අලුත්ම ගේමක් ගැසුවේ අවසන් වරට දෙමළ ජාතික සන්ධනය සමග පැවැති සාකච්ඡාවේදීය. එහිදී ජනාධිපතිවරයා දෙමළ සන්ධානයට යෝජනා කර ඇත්තේ 13 වැනි ව්යවස්ථා සංශෝධනයට අනුව උතුරු නැගෙනහිර පළාත් සභාවන්ට අන්තර්වාර පාලනයක් ඇතිකිරීමට තමන් සූදානම් යැයි කියාය. එය ව්යවස්ථාපිතව ඇති වගන්තියක් බවත්, ඊට අනුව කටයුතු කළ හැකි බවත් ජනාධිපතිවරයා දෙමළ ජාතික සන්ධානයට පෙන්වා දී ඇත. නමුත් මෙහිදී දැකගන්නට ලැබුණු විශේෂම සිදූවීම වූයේ දෙමළ ජාතික සන්ධානයේ සුමන්තිරන් මහතා ජනාධිපතිවරයාගේ මෙම යෝජනාවට එකහෙළාම විරුද්ධ වීමය. එහිදී නීතිමය තර්කයක් ගෙන එමින් සුමන්තිරන් පෙන්වා දී තිබුණේ මේ අවස්ථාවේ එවැන්නක් සිදුකිරීමට කිසිසේත්ම හැකියාවක් නොමැති බවය. එවනි අන්තර් පාලනයක් ලබාදිය හැක්කේ කුමන අවස්ථාවලදී ද යන්න සුමන්තිරන් මෙහිදී ජනාධිපතිවරයාට පෙන්වා දීමට පියවර ගෙන තිබිණ.
මේ ආකාරයට උතුරු නැගෙනහිරට අන්තර් වාර පාලනයක් යෝජනා කරද්දී ජනාධිපතිවරයාට අමතකව තිබූ කාරණයක්ද මතක් කරදිය යුතුව ඇත. ඒ, හිටපු ජනාධිපතිනි චන්ද්රිකා කුමාරතුංග මහත්මියද මේ ආකාරයටම එල්.ටී.ටී.ඊ. සංවිධානයට උතුරු නැගෙනහිර සඳහා අන්තර් වාර පාලනයක් P-TOM යෝජනා කළ බවය. නමුත් එම යෝජනාව අවසන් වූයේ චන්ද්රිකාගේ ආණ්ඩුව ගෙදර යවමින් බවද මෙහිදී සඳහන් කළ යුතුව ඇත.
