ලබන මහ කන්නයේ දී ශ්රී ලංකාවේ හෙක්ටයාර් 16,000ක බඩඉරිඟු වගා කිරීම සඳහා කෘෂිකර්ම අමාත්යාංශය යටතේ ඇති SAPP හෙවත් කුඩා පරිමාණ කෘෂි ව්යවසායකත්ව සහභාගිත්ව වැඩසටහන මඟින් සහයෝගය පළකරන බවට කෘෂිකාර්මික සංවර්ධනය සඳහා වන අන්තර්ජාතික අරමුදල (INTERNATIONAL FUND FOR AGRICULTURAL DEVELOPMENT- IFAD) එකඟතාව පළකර තිබෙනවා. (Sri Lanka Latest News)
එම අරමුදලේ මෙරට නියෝජිත හා ආසියානු හා පැසිෆික් කලාපයේ අධ්යක්ෂිකා SHERINA TABASSUM මහත්මිය ඊයේ (13) පෙරවරුවේ කෘෂිකර්ම අමාත්ය මහින්ද අමරවීර මහතා හමුවී අදාළ ව්යාපෘතිය සම්බන්ධව සාකච්ඡා කළ බවයි එම අමාත්යංශය සඳහන් කළේ.
මෙරට සත්ව ආහාර නිෂ්පාදනය ඉහළ නැංවීම අරමුණු කරගනිමින් ක්රියාත්මක බඩඉරිඟු වගා කිරීමේ ව්යාපෘතියට හෙක්ටයාර් 16,000ක් තෝරාගෙන තිබෙනවා.
ඒ අනුව අනුරාධපුර, හම්බන්තොට, මොණරාගල, පොලොන්නරුව හා අම්පාර දිස්ත්රික්ක ඉළක්ක කරගනිමින් එම බඩඉරිඟු ව්යාපෘතිය ලබන මහ කන්නයේ දී ආරම්භ කිරීමට නියමිතයි.
උසස් තත්ත්වයේ දෙමුහුම් බීජ, රසායනික පොහොර, බිම් සැකසීමට අවශ්ය පහසුකම් මෙන්ම ව්යාපෘතිය මගින් තෝරාගන්නා ලද බඩඉරිගු වගාකරන ගොවීන්ට නැවත අයකර නොගන්නා මුල්ය පහසුකම් ද ලබාදීමට නියමිතව තිබෙනවා.
කෘෂිකර්ම අමාත්ය මහින්ද අමරවීර මහතා කරන ලද යෝජනාවක් අනුව හෙක්ටයාර් 16,000ක බඩඉරිඟු වගාකිරීමේ මෙම ව්යාපෘතියට අවශ්ය සහයෝගය ලබාදෙන බවද SHERINA TABASSUM මහත්මිය ප්රකාශ කළා.
dasathalankanews.
