කුලියාපිටිය සුභාරතී පුර ප්රදේශයේ පැවැති පොසොන් කලාපයක තිබූ හොල්මන් මන්දිරයේ මෘත දේහයක් ලෙස සැරසී සිටි අයකු සහ එය නැරඹීමට පැමිණි පිරිසක් අතර ඇතිව තිබූ ගැටුමක් හේතුවෙන් මෘතදේහය හා අදාළ පිරිස කුලියාපිටිය පොලිසිය මගින් අත්අඩංගුවට ගෙන තිබෙනවා. (Sri Lanka Latest News)
හොල්මන් මන්දිරයට පැමිණි තරුණ කණ්ඩායමක් මෘත දේහයට ‘මූ මැරිලාද බලමු’ යැයි කියමින් කම්මුල ප්රදේශයට වැරෙන් පහරක් එල්ල කළ බව මෘතදේහයට පෙනී සිටි අය ප්රකාශ ලබාදුන් බව පොලිසිය කියයි.
එහි දී තමන් එය ඉවසාගත නොහැකිව මිනී පෙට්ටියෙන් නැගිට තමන්ට පහරදුන් පුද්ගලයාට පෙරළා පහරදුන් බවත්, පසුව එහි සිටි පිරිසද ගැටුමට මැදිහත් වූ බවත් ඔහු පොලිසියට පවසා ඇත.
මීට පෙර දිනයේ ද පැමිණි පිරිසක් තමන්ගේ හුස්ම සිරවන තෙක්ම නාසය මිරිකාගන සිටි බවත් පැවසූ මෘත දේහයට පෙනී සිටි පුද්ගලයා වැඩිදුරටත් පවසා තිබුණේ එවැනි තාඩන පීඩන රැසකට මුහුණ දී තිබීම හේතුවෙන් එම මොහොතේ තමන්ට ඉවසාගත නොහැකි වූ බවයි.
පොලිසිය එම ස්ථානයට යන විටත් හොල්මන් මන්දිරය අපායක් බවට පත්වෙමින් තිබූ බවද පොලිසිය කියයි.
ඒ අනුව පාර්ශව දෙකම අත්අඩංගුවට ගැනීමට පොලිසිය කටයුතු කර තිබිණි.
gossiplankanews
