දේවගැති ජෙරොම් ප්රනාන්දු, ඔහු විසින් ගෙවිය යුතුව තිබෙන බදු මුදල් රජයට නිසියාකාරව ගෙවා ඇද්දැයි සොයා බැලීම සදහා දේශීය ආදායම් දෙපාර්තමේන්තුව පියවර ගෙන තිබෙන බව වාර්තා වේ.
දේශීය ආදායම් දෙපාර්තමේන්තුව සතුව දේවගැති ජෙරොම් ප්රනාන්දුගේ ජාතික හැදුනුම්පත් අංකය හෝ වෙනත් කිසිදු තොරතුරක් නැති බව පැවසේ.
දේවගැතිවරයාට අයත් ග්ලෝරියස් නම් දේවස්ථානයෙන්, ඔවුන් බදු ගෙවන්නේදැයි දේශීය ආදායම් දෙපාර්තමේන්තුව විමසා ඇති නමුත්, ඔවුන් ඒ පිළිබදව කිසිදු තොරතුරක් ලබා දී නැත.
දේවගැතිවරයවාගේ ග්ලෝරියස් ඩෝම් නම් දේවස්ථානය සදහා කිසිදු බදු සහනයක් ලබා දී නැති බව දේශීය ආදායම් දෙපාර්තමේන්තුව පවසයි.
ඒ අනුව, දේශීය ආදායම් පනත යටතේ ඔවුන් ඔවුන්ගේ වත්කම් හෙළිදරව් කළ යුතුව තිබේ.
රජයේ ලියාපදිංචි පන්සල් බදුවලින් නිදහස් ය. බදුවලින් නිදහස් වීම සදහා ලියාපදිංචිය පමණක් ප්රමාණවත් නැත. ඒ සදහා වෙනම ආඥාපනතක් තිබෙන අතර එම ආඥාපනතට යටත් නොමැති ආගමික ස්ථාන බදු ගෙවිය යුතු ය.
