දරුවන් වෙනුවෙන් බස්වලින් පැමිණි දෙමව්පියන් පළාත් ප්රධාන ලේකම් කාර්යාලයක් වටලා විසඳුම් ලබා ගනියි.
අනුරාධපුර රබෑව කෑදෑ කල්ලංචිය මහා විද්යාලයේ ගුරු හිඟයට විසඳුම් ඉල්ලා දෙමව්පියන් අද (08) උතුරු මැද පළාත් ප්රධාන කාර්යාලය වටලනු ලැබුවා.
ඒ, 1 වසර සිට 13 වසර දක්වා 370ක් ඉගෙනුම ලබන දරුවන් වෙනුවෙන් ගුරුවරු 25 සිටිය යුතු පාසලේ දැනට සිටින්නේ ගුරුවරු 14 දෙනෙක් සිටින හෙයින්.
පසුව එම ස්ථානයට පැමිණි අනුරාධපුර පොලීසිය විසින් දෙමව්පියන් 10 දෙනෙකුට උතුරු මැද පළාත් ප්රධාන ලේකම් සමග සාකච්ඡාවක් පැවැත්වීමට ඉඩ ලබාදුන්නා.
එහිදී උතුරු මැද පළාත් ප්රධාන ලේකම් චන්ද්රසිරි බන්ඩාර සඳහන් කළේ තම පළාතට ගුරුවරුන් 3900 හිගයක් පවතින බවයි.
එහිදී දෙමව්පියන් විසින් තම පාසලට ආසන්නම පාසලේ ගුරුවරුන් අතිරික්ත සිටින බව පැවසීමත් සමග උණුසුම්කාරී තත්ත්වයක් ඇති වුණා..
එහිදී අධ්යාපන බලධාරීන් යාබද පාසලේ ගුරුවරුන් අතිරික්තව සිටින බවට පිළිගනු ලැබූ අතර ඉන් තිදෙනෙකු මෙම පාසල වෙත සතියක් තුළ ලබා දෙන බවට පළාත් ප්රධාන ලේකම්තුමා වාචිකව පොරොන්දු වීමෙන් අනතුරුව පිරිස විසිරී යනු ලැබුවේ, පවතින ගුරු පුරප්පාඩුවට විද්යාලයේම ආදි සිසුන් පැමිණ දරුවන්ට කරනු ලබන ඉගැන්වීම් කටයුතු වෙනුවෙන් දෙමව්පියන් මැදිහත්ව යම්කිසි මූල්යම ගෙවීමක්ද සිදු කරනු ලබන වාතාවරණයක් තුළයි.
