ආනමඩුව පොලිස් ස්ථානාධිපති ලෙස පත් කළ ප්රධාන පොලිස් පරීක්ෂක ඩබ්ලිව්.පී.ආර්. අබේනායකගේ පත්වීම අවලංගු කිරීමට එරෙහිව ඔහු විසින් ශ්රී ලංකා මානව හිමිකම් කොමිසමට පැමිණිල්ලක් කර ඇති බව වාර්තා වෙනවා. රාජ්ය අමාත්ය සනත් නිශාන්ත පවසා තිබුණේ තමා විසින් මෙම පත්වීම අවලංගු කළ බවයි.
මෙම සිදුවීම හේතුවෙන් තමාගේ මූලික අයිතිවාසිකම් කඩ වූ බවත් ඒ ගැන විධිමත් පරීක්ෂණයක් පවත්වා සාධාරණය ඉටු කර දෙන ලෙසත් ඉල්ලා ප්රධාන පොලිස් පරීක්ෂකවරයා මෙම පැමිණිල්ල කර ඇතැයි ශ්රී ලංකා මානව හිමිකම් කොමිසමේ ප්රකාශකයෙක් තහවුරු කර තිබෙනවා
තමාගේ පත් කිරීම අත්හිටුවීම සම්බන්ධයෙන් පුවත්පත් වල පළවීමෙන් පසු සනත් නිශාන්ත රාජ්ය අමාත්යවරයා සමහර රූපවාහිනී නාලිකා මගින් තමාගේ නාමයට අපකීර්තියක් වන ආකාරයේ ප්රකාශ ලබා දී ඇති බව ප්රධාන පොලිස් පරීක්ෂකවරයා කළ පැමිණිල්ලේ සඳහන් කර ඇති බවයි කියන්නේ.
ආනමඩුව පොලිස් ස්ථානාධිපතිවරයා ලෙස පත්කරනු ලැබූ මීගමුව කොට්ඨාසය රාජකාරි කරන ප්රධාන පොලිස් පරීක්ෂක ඩබ්ලිව්.පී.ආර්. අබේනායකගේ පත්වීම රාජ්ය අමාත්යවරගේ මැදිහත්වීම හේතුවෙන් පසුගිය19 වැනි දා අත්හිටුවනු ලැබුවා.
ප්රධාන පොලිස් පරීක්ෂකවරයා ආණමඩුව පොලිස් ස්ථානාධිපතිවරයා ලෙස පත්කළ විශේෂ පොලිස් පණිවිඩය නිකුත් කර තිබුණේ පසුගිය 18 වෙනිදා යි.
