IMF සමඟ එක්ක ඇතිකරගත් ගිවිසුම රජයේ ක්රියාවලින් හේතුවෙන් දැනටමත් කඩාකප්පල් වී ඇති බව විපක්ෂයේ ප්රධාන සංවිධායක ලක්ෂ්මන් කිරිඇල්ල පවසනවා. ඒ හේතුවෙන් IMF නියෝජිත පිරිසක් ජුනි මාසයේ ලංකාවට එන බවයි ඔහු කියන්නේ.
“රජයට IMF සමඟ ඇතිකරගත් ගිවිසුමේ අමතක වෙලා තියෙන කොටසක් මතක් කළ යුතුයි. ඇත්තටම අපිට IMF යන්න වුණේ මේ ආණ්ඩුව රට බංකොලොත් කර නිසා බව තේරුම් ගන්න ඕන. ඒ වගේම IMF යෑම අවුරුදු එකහමාරකින් ප්රමාද කළා. අපිට IMF යන එක ගැන ප්රශ්නයක් නැහැ, නමුත් මම ඇතුළු විපක්ෂයේ අපි මුල ඉදන්ම කිව්වේ IMF යන්න කලින් විපක්ෂයත් එක්ක සාකච්ඡා කරන්න කියලා. අඩුම ගානේ පාර්ලිමේන්තුවේවත් සාකච්ඡා කළේ නැහැ. ඒ වගේම පාර්ලිමේන්තුවේ මුදල් කමිටු ගණනාවක් තියෙනවා. ඒ තුළ වත් සාකච්ඡා කරන්න කියලා කිව්වත් රජය එය පිළිගත්තේ නැහැ හිතුවක්කාර විදිහට ඒක පාක්ෂිකව කටයුතු කළා. අඩුම තරමේ සිවිල් සමාජය සමඟ වත් සාකච්ඡා කළේ නැතුව රජය ගිවිසුම අත්සන් කළා. ඒ අත්සන් කරපු ගිවිසුම වත් හරියට පාර්ලිමේන්තුවට ඉදිරිපත් කරල නෑ. කොටසක් පමණයි ඉදිරිපත් කළේ. ඒ ඉදිරිපත් කරපු ටික අධ්යයනය කරාම අපට පේනවා IMF එක මුදල් දීලා තියෙන්නේ යම් කොන්දේසියකට යටත්කරලා බව.
ප්රධානම කොන්දේසි ලෙස රජය නීතියේ උත්තරීතරභාවය සැම විටම ආරක්ෂා කළ යුතුයි වගේම මානව හිමිකම් ආරක්ෂා කළ යුතුයි කියලා සඳහන් වෙනවා. ඊට අමතරව සිවිල් සමාජයත් එක්ක ගනුදෙනු කළ යුතුයි කියලත් තියෙනවා. මෙම කොන්දේසි වලට යටත්ව තමයි උදව් කරේ.
රජය මේ මුදල් ලැබී දවස් කිහිපයක් යනකොට පළාත් පාලන මැතිවරණය කල් දැම්මා. එය අපේ රටේ ව්යවස්ථාවේවත් මැතිවරණ නීතියේවත් කිසිම වගන්තියක නැහැ. රජයේ හිතුවක්කාර ක්රියාවක්. ඊට පස්සේ ඒ වෙනුවෙන් අපි අධිකරණයට ගියා. එහිදී නියෝගයක් දුන්නා මුදල් අමාත්යංශයේ ලේකම්ට මැතිවරණයට අවශ්ය මුදල් මුදාහැරලා ඡන්දය පවත්වන්න කියලා. රජය එය ගණන් ගත්තේ නැහැ. පසුව ඒ නියෝගය දුන්න විනිශ්චකාරවරුන් පාර්ලිමේන්තුවේ වරප්රසාද කැඩුවා කියලා වරප්රසාද කමිටුව ගෙන්වන්න රජය කටයුතු කළා. ඒ වගේම ස්වාධීන මැතිවරණ කොමිසම පාර්ලිමේන්තුවේ වරප්රසාද කමිටුව ගේන්න කටයුතු කළා.
ඉතාමත් පැහැදිලියි රජය තමයි මේ IMF ගිවිසුම කඩාකප්පල් කරන්න කටයුතු කළේ කියලා. දැන් අපිට දොස් කියනවා අපි මේක කඩාකප්පල් කරන්න හදනවා කියලා. දැනටමත් IMF එක්ක ඇතිකරගත් ගිවිසුම රජයේ ක්රියා නිසා කඩාකප්පල් වෙලා තියනවා. ඒ නිසා තමයි IMF නියෝජිත පිරිසක් ජුනි මාසයේ ලංකාවට එන්නේ” යි ලක්ෂ්මන් කිරිඇල්ල මන්ත්රීවරයා පවසනවා.
