සමගි ජන බලවේගයේ අරමුණ වන්නේ රජයේ පාසල් 10150ම ගුණාත්මක භාවයෙන් ඉහළ ජාත්යන්තර මට්ටමේ පාසල් ලෙස සංවර්ධනය කිරීම බවත් විපක්ෂ නායකවරයා පැවසීය.
රටක් ලෙස ගොඩ ඒමට නම් දැනුම කේන්ද්රීය ආර්ථිකයක් බිහි කළ යුතු බවත් ඒ සදහා අධ්යාපන ක්රමය නිවැරදි විය යුතු බවත් රටේ අධ්යාපන තුළ බෙදීමක් ඇති නොකර ඉංග්රීසි භාෂා අධ්යාපනයට සැමට ප්රවේශ විය හැකි අවස්ථාව ලබා දිය යුතු බවත් විපක්ෂ නායක සජිත් ප්රේමදාස මහතා පැවසීය.
විපක්ෂ නායක සජිත් ප්රේමදාස මහතා මේ බව කියා සිටියේ අද සක්වල වැඩසටහනේ 26 වැනි වැඩසටහන යටතේ හම්බන්තොට රන්මිනිතැන්න කණිෂ්ට විද්යාලයේ පැවැති උත්සවයකට එක්වෙමිනි.
දේශයේ දරුවන්ට සුහුරු ලොවක දෑත් ඔසවනු පිණිස ක්රියාත්මක”සුහුරු පන්ති කාමර සඳහා පරිගණක තාක්ෂණික පුවරු” සහ නවීන පරිගණක පරිත්යාග කරන “සක්වල” වැඩසටහනෙහි 26 වන පියවර ලෙස රුපියල් නව ලක්ෂ විසි හතරදහසක් (රු. 924,000.00) වටිනා සුහුරු පන්තිකාමර සඳහා ඩිජිටල් පරිගණක තිර සහ පරිගණක උපකරණ මෙලෙස එම විදුහල වෙත පරිත්යාග කරනු ලැබීය.
මීට පෙර විපක්ෂ නායකවරයා ලෙස සජිත් ප්රේමදාස මහතා අදියර 25 දී සක්වල හරහා රුපියල් ලක්ෂ 20,653,650.00ක් වටිනා පරිගණක තාක්ෂණික පුවරු පරිත්යාග කොට තිබේ.
එමෙන්ම සක්වළට සමගාමීව පාසල් හැත්තෑවක් සඳහා රු.339,200,000.00ක් වටිනා බස්රථ 70ක් පාසල් සඳහා පරිත්යාග කොට තිබේ.
දේශයේ දරුවන්ට සුහුරු ලොවක දෑත් ඔසවනු පිණිස ක්රියාත්මක”සුහුරු පන්ති කාමර සඳහා පරිගණක තාක්ෂණික පුවරු” සහ නවීන පරිගණක පරිත්යාග කරන “සක්වල” වැඩසටහනෙහි 25 වන පියවර ලෙස රුපියල් නව ලක්ෂ විසි හතරදහසක් (රු. 924,000.00) වටිනා සුහුරු පන්තිකාමර සඳහා ඩිජිටල් පරිගණක තිර සහ පරිගණක උපකරණ මෙලෙස එම විදුහල වෙත පරිත්යාග කරනු ලැබීය.
ලෝකයේ අනෙක් රටවල් සමග හුදකලාව සිටින තාක් කළ අප වීරයන් ලෙස සූරයන් ලෙස පෙනුනත් ලෝකයට රට විවෘත කළහොත් අප සිටින්නේ ඉතා පහළ තත්ත්වයක බවත් විපක්ෂ නායකවරයා පැවසීය.
එසේම අප රටේ පාසල්වලට විදුලි බිල ගෙවීමට පවා නොහැකි වී ඇති අවස්ථාවක අගනුවර වීදුරු කාමර ඇතුලේ සිට රටේ නායකයන් ඩිජිටල් විප්ලව ගැන කතා කරද්දි ගමේ පාසල්වල තොරුතුරු තාක්ෂණ ගුරුවරු නොමැති බවත් සමහර ගුරුවරු පාසල් 2ක තොරතුරු තාක්ෂණය උගන්වන තත්ත්වයක් ඇතිව ඇති බවත් විපක්ෂ නායකවරයා පැවසීය.
සමගි ජන බලවේගය විසින් අද දින රන්මිනිතැන්න විද්යාලයේදී සක්වල වැඩසටහන ක්රියාත්මක කිරීමේ දී විදුලි බල මණඩලය විසින් විදුලිය කැපීමට පැමිණි අවස්ථාවේ විපක්ෂ නායක සජිත් ප්රේමදාස මහතා විසින් එම විදුලි බිල ගෙවන ලදී.
