ව්යාපාරික දිනේෂ් ශාෆ්ටර්ගේ මරණයට අදාළව සිදුකළ පරීක්ෂණවලදී ඉදිරිපත් වී තිබෙන රජයේ රස පරීක්ෂක වාර්තාව එම මරණයට හේතු සෙවීම සඳහා පත්කළ පංච පුද්ගල විශේෂඥ වෛද්ය කමිටුව වෙත යොමු කරන ලෙස කොළඹ මහේස්ත්රාත් අධිකරණය අද (04) නියෝග කළා.
අදාළ මරණ පරීක්ෂණය අද කැඳවූ අවස්ථාවේදී මියගිය අයගේ අයිතිවාසිකම් වෙනුවෙන් පෙනීසිටි ජනාධිපති නීතිඥ අනුජ ප්රේමරත්න කරන ලද ඉල්ලීමක් සලකා බැලීමෙන් අනතුරුව කොළඹ අතිරේක මහේස්ත්රාත් රජින්ද්රා ජයසූරිය විසින් අධිකරණයේ රෙජිස්ට්රාර්වරයා වෙත මෙම නියෝගය නිකුත් කළා.
ජනාධිපති නීතිඥ අනුජ ප්රේමරත්න අධිකරණය හමුවේ කරුණු දක්වමින් මෙම මරණකරුගේ දෑත් බැඳ තිබූ ටයි පටියකින් සිදු වූ තුවාල පිළිබඳ රජයේ රස පරීක්ෂක වාර්තාවක් ඉදිරිපත් කර තිබෙන බව සඳහන් කළා.
එම වාර්තාව විමර්ශන කටයුතු සඳහා පංච පුද්ගල වෛද්ය කමිටුව වෙත යොමු කරන ලෙසයි ජනාධිපති නීතිඥවරයා අධිකරණයෙන් ඉල්ලීමක් කළේ.
ඒ අනුව අදාළ නියෝගය නිකුත් කළ අතිරේක මහේස්ත්රාත්වරිය මෙම පරීක්ෂණය යළි ලබන 24 වැනිදා කැඳවන ලෙස නියෝග කළා.
ව්යාපාරික දිනේෂ් ශාෆ්ටර්ගේ මරණයට හේතුව නිගමනය කිරීම සඳහා මහේස්ත්රාත්වරිය විසින් අධිකරණ වෛද්ය හා වොහාරික විශේෂඥ වෛද්යවරුන් ගෙන් සමන්විත පංච පුද්ගල කමිටුවක් පත්කර තිබෙනවා.
එම කමිටුව මේ වන විට විමර්ශන සිදුකරමින් සිටින බවත් අපරාධ පරීක්ෂණ දෙපාර්තමේන්තුව අධිකරණයට වාර්තා කළා.
dasathalankanews.
