පොදුජන පෙරමුණ සහ ශ්රීලනිපය අතර ඉදිරියේදී බිහිකිරීමට නියමිත නව සන්ධානයේ සමසභාපති ධූරය හිටපු ජනාධිපති මෛත්රීපාල සිරිසේන මහතාට ලබා දීම සම්බන්ධයෙන් විශාල විරෝධයක් මේ වනවිට පොහොට්ටුව ඇතුළේ නිර්මාණය වෙමින් පවතින ආකාරයක් දැකගන්නට තිබේ.
ඒ අනුව ඊයේ (03) දිනයේදී පොහොට්ටුවේ සභාපති ජී.එල්. පීරිස් මහතා සහ අමාත්ය ප්රසන්න රණතුංග යන මහත්වරුන් මෛත්රිපාල සිරිසේන මහතා ඉලක්ක කර දැඩි ප්රහාරයක් එල්ල කිරීමට කටයුතු කළේය.
මෙහිදී පීරිස් මහතා සදහන් කර සිටියේ සිරිසේන මහතාට සම නායකත්වය ලබා දීම කිසිසේත්ම පිළිගත නොහැකි බවත්, ජනතාව බලාපොරොත්තු වන්නේ ගෝඨාභය-මහින්ද සුසංයෝගයෙන් රට කරවීම බවත්ය.
‘මම දැක්කා මොකක්ද මේ පොදු පෙරමුණ ද මොකක්ද කියලා
පක්ෂයක විධායක සභාව හිටපු ජනාධිපති මෛත්රීපාල සිරිසේන
මහතාගේ ප්රධානත්වයෙන් රැස්වෙලා සන්ධානයක් හදාගෙන තියෙනවා.
ඒ සන්ධානයේ 51% අපේ පක්ෂයටත් දෙන බවත් සෙසු පක්ෂ
අතරේ ඉතිරි කොටස බෙදෙන බවත් කියලා තිබුණා. මොන මොන
සන්ධාන කවුරු කොහොම ගැහුවත් අපි ඉදිරි මැතිවරණයට ඉදිරිපත්
වෙන්නේ පොහොට්ටුවෙන් පමණයි. පොහොට්ටුව හැර අපට වෙන
විකල්ප නෑ. අනික කියලා තිබුණා ඒ සන්ධානයේ සම නායකයා
මෛත්රීපාල සිරිසේන සහ මහින්ද රාජපක්ෂ මහත්වරුන් බව. අපිට
සමනායකයන් නෑ. සමනායකයෙකු ලෙස මෛත්රීපාල සිරිසේන හිටපු
ජනාධිපතිවරයා පිළිගන්න අපේ පක්ෂය සුදානම් නෑ. අපේ අසමසම
නායකයා මහින්ද රාජපක්ෂ මහතා පමණයි.
හිටපු ජනාධිපති මෛත්රීපාල සිරිසේන මහත්තයා ආප්ප කාලා පැනලා
ගිහින් අපේ නායක මහින්ද රාජපක්ෂ මහතාට එරෙහිව
ජනාධිපතිවරණයට ඉදිරිපත් වුණා. 2015 ජනාධිපතිවරණයෙන් දිනලා
රනිල් එක්ක ජාතික ආණ්ඩුව කියලා අටමගලක් අටවාගෙන මේ රට
විනාශ කළා. අපි එක්ක ශ්රිලනිපයේ හිටපු අයත් ඒකට ගිහින්
තනතුරු වරප්රසාද ගත්තා. පසුගිය වසර 05 යහපාලන ආණ්ඩුව මේ
රට කෑවා. ඒකට මෛත්රී – රනිල් හවුල් යහපාලන ආණ්ඩුවේ හිටපු
හැමෝම වග කියන්න ඕනෑ. මෛත්රීපාල සිරිසේන හිටපු
ජනාධිපතිවරයාට ඒ වගකීමෙන් මිදෙන්න බෑ.’..’ රණතුංග මහතා කියා තිබිණ.
