මෙතෙක් මුදල් නොලැබීම හේතුවෙන් ඡන්ද පත්රිකා මුද්රණය ආරම්භ නොකළ බව, රජයේ මුද්රණාලය පවසයි.
එහි ප්රකාශකයකු සඳහන් කළේ, හත් ලක්ෂයකට ආසන්න තැපැල් ඡන්ද පත්රිකා අතරින් සියයට 75 ක් පමණක් මුද්රණය කර ඇති බවයි.
ඡන්ද පත්රිකා මුද්රණය කිරීම සඳහා අවශ්ය මුදල් නිසි පරිදි ලබා දෙන්නැයි ඉල්ලා මුදල් අමාත්යංශය වෙත යොමු කළ ලිපියට මෙතෙක් කිසිදු ප්රතිචාරයක් දක්වා නැතැයි ද, රජයේ මුද්රණාලය සඳහන් කළේ ය.
මුද්රණාලය පැවසූවේ, අදාළ මුදල නිසි පරිදි නොලැබෙන්නේ නම්, ලබන 20 වැනිදාට පෙර ජන්ද පත්රිකා මැතිවරණ කොමිසමට භාර දිය නොහැකි වනු ඇති බවයි.
නිසි පරිදි මුදල් ලැබෙන්නේ නම් දින 30ක් ඇතුලත සම්පූර්ණ ඡන්ද පත්රිකා මුද්රණය කර ලබා දිය හැකි බව රජයේ මුද්රණාලය වැඩිදුරටත් සඳහන් කළේ ය.
දින තුනකට පෙර ඡන්ද පත්රිකා මුද්රණය කිරීම ආරම්භ කිරීමේ දිනය නිශ්චිතව සඳහන් කරන්නේ නම් පමණක් ආරක්ෂාව ලබා දිය හැකි බව, මුද්රණාලය යොමු කළ ලිපියට ප්රතිචාර දක්වමින් පොලීසිය සඳහන් කර ඇත.
රජයේ මුද්රණාලය සඳහන් කළේ, පළාත් පාලන මැතිවරණයේ ඡන්ද පත්රිකා මුද්රණය ඇතුලු සියලු කටයුතු සඳහා රුපියල් මිලියන 533 ක් අවශ්ය බවයි.
අදාළ මුදලින් මෙතෙක් ලබා දී ඇත්තේ රුපියල් මිලියන 40 ක් පමණයි.
