පළාත් පාලන මැතිවරණය පිළිබද ශ්රේෂ්ඨාධිකරණය විසින් දෙනු ලැබූ ඓතිහාසික තීන්දුව සම්බන්ධයෙන් පොහොට්ටුවේ පාර්ලිමේන්තු මන්ත්රී ප්රේමනාත් සී. දොළවත්ත මහතා ඊයේ (07) පාර්ලිමේන්තුවේදී සිදුකළ ප්රකාශය මේ වන විට නීති ක්ෂේත්රයේ සහ දේශපාලන ක්ෂේත්රයේ මහත් ආන්දෝලනයකට තුඩුදී තිබේ.
මීට ඉහතදී ශ්රේෂ්ඨාධිකරණයේ ත්රිපුද්ගල විනිසුරු මඩුල්ලක් විසින් පළාත් පාලන මැතිවරණය පව්තවන ලෙස එක් නියෝගයක් නිකුත් කළ අතර, පළාත් පාලන මැතිවරණයට අයවැයෙන් මුදල් ලබාදීම වැළැක්වීම අත්හිටුවමින් තවත් නියෝගයක් පසුගිය සතියේ ලබාදී තිබිණි.
මේ අනුව පළාත් පාලන මැතිවරණය කල් දැමීම සදහා ආණ්ඩුව ගත් සියලු උත්සාහයන් මේ වන විට ව්යර්ථව ඇත.
එවැනි වාතාවරණයක් තුළ දොළවත්ත මහතා සිදුකළ ප්රකාශයත් සමගම නැගී සිටි විපක්ෂයේ පාර්ලිමේන්තු මන්ත්රී නීතිඥ ඩිලාන් පෙරේරා මහතා කියා සිටියේ මෙම ප්රකාශය බරපතළ එකක් බවත්, විධායකය සහ ව්යවස්ථාදායක අතර බරපතළ ගැටුමක් ඒ හරහා ඇතිවිය හැකි බවයි.
මෙවැනි අවස්ථාවක එම ප්රකාශයෙන් රටට අහිතකර ප්රතිඵල ඇතිවිය හැකි බැවින් එවැනි ප්රකාශ සිදුකිරීම නුසුදුසු බවද ඩිලාන් පෙරේරා මහතා අවධාරණය කර සිටියේය.
එසේම විපක්ෂ නායක සජිත් ප්රේමදාස මහතාද නැගී සිටිමින් දොළවත්ත මහතා සිදුකළ ප්රකාශය හෙළාදකිමින් අදහස් දක්වා සිටියේය.
දොළවත්ත මහතා ඊයේ (07) වැනිදා පාර්ලිමේන්තුවේදී සිදුකළ ප්රකාශය.
