ඉන්දියාවේ භූ කම්පනයක් සිදුවුවහොත් එහි බලපෑම ශ්රී ලංකාවට බලපා හැකි බව 26 වැනිදා තෙක් ඉන්දියාව විසින් ආපදා කළමනාකරණ මධ්යස්ථානය දැනුවත් කර නැතැයි ආපදා කළමනාකරණ මධ්යස්ථානයේ සහකාර අධ්යක්ෂ ප්රදීප් කොඩිප්පිලි මහතා පැවැසුවා.
ලෝකයේ දැනට පවතින තාක්ෂණයට අනුව අහවල් දිනයේ අහවල් ස්ථානයට භූ කම්පනයක් සිදුවන බවට කල්වේලා ඇතිව ප්රකාශ කර නැති බවත්, තාක්ෂණයෙන් ඉහළ ජපානය, තුර්කිය හෝ වෙනත් රටවලටත් භූ කම්පනයක් සිදුවීමට පෙර දින වකවානු ප්රකාශ කළ නොහැකි බවත් හෙතෙම සඳහන් කළා.
භූ විද්යා හා පතල් කාර්යාංශයේ ජ්යෙෂ්ඨ භූ විද්යාඥවරියක් මේ පිළිබඳ කියා සිටියේ අපේ රටේ පිහිටීම අනුව රට තුළ ප්රබල භූ කම්පනය සිදුවීමේ හැකියාව ඉතා අඩු බවයි.
මෑත කාලයේ සිදුව තිබෙන භූ කම්පන දෙස බැලීමේදී එය රිච්ටර් මාපක තුනයි දශම පහකට අඩු බවත්, එම භූ කම්පන ද පල්ලෙකැලේ, බුද්ධංගල, හක්මන සහ මහකනදරාව යන භූ කම්පන මානවල සටහන් වන බවත් පැවසූ ඇය, ඒ අනුව කොළඹ කාර්යාලයේ සිට රටේ ඕනෑම තැනක සිදුවන භූ කම්පනයක් පිළිබඳ වාර්තා සකස් කරගැනීමේ හැකියාව පවතින බවත් කියා සිටියා.
asianmirror
