බැදුම්කර නිකුතුව සම්බන්ධයෙන් සිදුකළ වෝහාරික විගණන වාර්තාවේ සියලුම ඇමිණුම් පාර්ලිමේන්තුවට ඉදිරිපත් කිරීමට මහබැංකුව තීරණය කොට ඇත.
මහබැංකුව මෙම තීරණය ගෙන ඇත්තේ කතානායක කරු ජයසූරිය මහතා මහබැංකුවෙන් කළ ලිඛිත ඉල්ලීමකට ප්රතිචාර දක්වමිනි.
පසුගිය සතියේ කතානායක කරු ජයසූරිය මහතා නීතිපති දප්පුල ද ලිවේරා මහතා විසින් බැදුම්කර සම්බන්ධයෙන් වූ වෝහාරික විගණන වාර්තාව පාර්ලිමේන්තුවට ඉදිරිපත් නොකරන ලෙසට කර තිබූ දැනුම්දීමද ඉවතලමින් එම වාර්තාව සියලුම මන්ත්රීවරුන්ට ලබා දීමට පියවර ගත්තේය.
නමුත් එහිදී සම්පූර්ණ වාර්තාව මහබැංකුව විසින් ලබා දී නොතිබූ අතර වැදගත් තොරතුරු ඇතුළත් ඇමිණුම් කිහිපයක්ම ප්රසිද්ධියට පත් නොකිරීමට ඔවුන් වගබලාගෙන තිබිණ.
නමුත් පාර්ලිමේන්තු මන්ත්රීවරුන් මේ පිළිබදව කතානායකවරයාගේ අවධානය යොමු කිරීමෙන් පසුව පසුගිය සිකුරාදා කතානායක කරු ජයසූරිය මහතා අදාළ ඇමිණුම් සියල්ල පාර්ලිමේන්තුවට ලබා දෙන ලෙස දැනුම්දෙමින් පාර්ලිමේන්තු මහලේකම් ධම්මික දසනායක මහතා හරහා ලිපියක් මහබැංකුව වෙත යොමුකිරීමට පියවර ගෙන තිබිණ.
ඒ අනුව අදාළ වාර්තා පාර්ලිමේන්තුවට ඉදිරිපත් කිරීමට මහබැංකුව මේ වනවිට තීන්දු කර ඇත.
