පාස්කු ප්රහාරය සම්බන්ධයෙන් සෘජුවම රවී සෙනවිරත්න සහ ශානි අබේසේකර යන නිලධාරීන්ට දෙදෙනාට චෝදනා එල්ල වී තිබෙන බවත් පාස්කු ප්රහාරය සම්බන්ධයෙන් සිදුකරන විමර්ශන සඳහා මෙම නිලධාරීන් දෙදෙනා බාධාවක් වනවා නම් ඒ සම්බන්ධයෙන් රජය අවධානය යොමු කළ යුතු බවත් පාස්කු ප්රහාරය සම්බන්ධයෙන් සිදුකරන යම් ක්රියාවලියක් අවසන් වනතුරු හෝ මෙම නිලධාරීන් දෙදෙනා පිළිබඳව තීන්දුවක් ලබාගෙන පාස්කු ප්රහාරය සම්බන්ධයෙන් විමර්ශනයට ජාත්යන්තර සහයෝගය ලබා ගන්නා ලෙස රජයෙන් ඉල්ලා සිටින බවත් හිටපු පාර්ලිමේන්තු මන්ත්රී හර්ෂන රාජකරුණා මහතා පැවැසීය.Sri Lanka Latest News
සමගි ජන සන්ධාන ප්රධාන කාර්යාලයේදී පැවැති මාධ්ය හමුවට සහභාගි වු අවස්ථාවේදී හිටපු පාර්ලිමේන්තු මන්ත්රී හර්ෂන රාජකරුණා මහතා මේ බව සඳහන් කළේය.
වැඩි දුරටත් අදහස් දැක්වූ ඒ මහතා මෙසේද පැවැසීය,
‘‘ශ්රී ලාංකිකයන් ලෙස අප සියලු දෙනාටම වැදගත් , සියලුම දෙනාට බලපාන ප්රධාන මාතෘකාවක් බවට පාස්කු ප්රහාර සිද්ධිය පත්වෙලා තිබෙනවා. අපේ රටේ ශ්රී ලාංකිකයන් සහ විදේශිකයන් 300 කට ආසන්න ප්රමාණයක් මෙම ප්රහාරයෙන් ජීවිතක්ෂයට පත්වුණා. ඒ වගේම පාස්කු ප්රහාරයෙන් විශාල පිරිසක් මේ වන විට රෝගාතුර වී සිටිනවා. ඒ නිසා පාස්කු ප්රහාරයෙන් මියගිය සහ වින්දිතයන් බවට පත්වුණ පිරිසට සාධාරණයක් ඉටුවන්නට නම් පාස්කු ප්රහාරයේ මහමොලකරුවන් නීතිය හමුවට වහාම ගෙන ඒමට කටයුතු කළ යුතුයි. ඒ වගේම උදය ගම්මන්පිල මහතා පාස්කු ප්රහාරය සම්බන්ධයෙන් සිදුකළ හෙළිදරව්ව පිළිබඳව දැඩි අවධානයක් යොමු කරන්නැයි සමගි ජන බලවේයගය රජයෙන් ඉල්ලා සිටිනවා.
එමෙන්ම මහජන ආරක්ෂක ආරක්ෂක අමාත්යාංශයේ ලේකම් රවි සෙනෙවිරත්න මහතාට සහ ශානි අබේසේකර මහතාට පාස්කු ප්රහාරය සම්බන්ධයෙන් සෘජු චෝදනාවක් මේ වනවිට එල්ල වී තිබෙනවා. ඒ අනුව ඉදිරියේදී පාස්කු ප්රහාරය සම්බන්ධයෙන් රජය සිදුකරන පරීක්ෂණවලදී මෙම නිලධාරින් දෙදෙනාගේ පත්වීම් බාධාවක් වෙනවානම් ඒ සම්බන්ධයෙන් වහාම තීරණයක් රජය ගැනීමට කටයුතු කළ යුතුයි. මේ සම්බන්ධයෙන් කරුණු වාර්තා කර තිබෙන්නේ පාස්කු ප්රහාරය සම්බන්ධයෙන් සෙවීමට පත්කළ ජනාධිපති කොමිසන් සභා වාර්තාවේ. එම නිසා මේ සම්බන්ධයෙන් රජය නිසි අවධානයක් යොමු කළ යුතුයි.
ඒ වගේම පාස්කු ප්රහාරය සම්බන්ධයෙන් දේශපාලන වාසි ලබාගැනීමට සමගි ජන බලවේගයට හෝ සමගි ජන සන්ධානයට කිසිදු අවශ්යතාවයක් නැහැ. පාස්කු ප්රහාරය සම්බන්ධයෙන් සමගි ජන බලවේගය ගන්නා ක්රියාමාර්ග පිළිබඳව අතිඋතුම් කාදිනල් හිමිපාණන්ටත් ලිඛිතව දැනුම් දීලා තිබෙනවා. පාස්කු ප්රහාරය සම්බන්ධයෙන් විමර්ශන කටයුතු සඳහා ජාත්යන්තර සහාය ලබාගන්නා බව එහිදී සමගි ජන බලවේගය කාජිනල් හිමිපාණන්ට දැනුම් දී තිබෙනවා. රටේ ජනාධිපතිවරයා ලෙස සජිත් ප්රේමදාස මහතා පත් වූවානම් මේ වනවිට පාස්කු ප්රහාරය සම්බන්ධයෙන් ජාත්යන්තර සහයෝගය ලබාගෙන විශේෂ පරීක්ෂණ කණ්ඩායමක් යොදවා පාස්කු ප්රහාරය සම්බන්ධයෙන් විමර්ශනයක් ආරම්භ කරනවා. ඒ වගේම පාස්කු ප්රහාරය සම්බන්ධයෙන් සිදුකරන පරීක්ෂණවලට දේශීය වශයෙන් විවිධ බලපෑම් තිබෙන බව මේ වන විට හොඳින්ම පැහැදිලි වී තිබෙනවා. ඒ බලපෑම් පොලිසිය තුළින් , දේශපාලන අධිකාරිය තුළින් , බාහිර පුද්ගලයින්ගෙන් එල්ල වී තිබෙන බව මේ වන විට පැහැදිලි වී තිබෙනවා.
ඒ වගේම වර්තමාන රජය බලය ලබා ගැනීමට පාස්කු ප්රහාරය ප්රයෝජනයට ගත්තා. පාස්කු ප්රහාරයට සම්බන්ධ මහ මොලකරුවන් නීතිය හමුවට ගෙන එන බව රටේ ජනතාවට සහ කාදිනල් හිමිපාණන්ට ඇතුළු කතෝලික ප්රජාවට වර්තමාන රජය විශ්වාසයක් ලබාදෙන්න කටයුතු කළා. එසේ නම් උදය ගම්මන්පිල මහතා සිදුකළ චෝදනාව සුළුකොට තැකීමට නොහැකියි. කෙසේ නමුත් මේ සම්බන්ධයෙන් හෙළිකළ පුද්ගලයා වැදගත් වන්නේ නැහැ. වැදගත් වන්නේ එම පුද්ගලයා හෙළි කළ කරුණුයි. ඒ අනුව මේ හෙළිකිරීම පිළිබඳව රජය අවධානය යොමු කළ යුතුයි.
ඒ වගේම පාස්කු ප්රහාරය සම්බන්ධයෙන් ජාත්යන්තර විමර්ශනයක් සිදුකිරීමට අවශ්ය සහයෝගය රජයට ලබාදීමට සමගි ජන බලවේගය සූදානම්. පාර්ලිමේන්තුවේදී මේ සම්බන්ධයෙන් අවශ්ය නීති වෙනස් කිරීම අවශ්යනම් ඒ සඳහාත් සහයෝගය දෙන්න සමගි ජනබලවේගයේ නායක සජිත් ප්රේමදාස මහතා ඇතුළු කණ්ඩායම සුදානම්. එමෙන්ම පාස්කු ප්රහාරය සම්බන්ධයෙන් සමගි ජන බලවේගය සතුව තිබෙන තොරතුරු ලබාදීමත් සූදානම්.
ඒ වෙග්ම පාස්කු ප්රහාරයෙන් මියගිය සහ වින්දිතයන් බවට පත්වූ ජනතාවට සාධාරණයක් ඉටු කරන්න වර්තමාන ජනාධිපතිවරයා කටයුතු කළ යුතුයි. වර්තමාන ජනාධිපතිවරයා මේ සම්බන්ධයෙන් නිසි ක්රියාමාර්ගයක් නොගතහොත් ජනාධිපතිවරයාට විරුද්ධව ගතහැකි ක්රියාමාර්ග ගැනීමට සමගි ජන බලවේගය පසුබට වෙන්නේ නැහැ. වර්තමාන ජනාධිපතිවරයා මැතිවරණ වේදිකාවලදී ප්රකාශ කළා පාස්කු ප්රහාරය සම්බන්ධයෙන් බලය ලබාගත් පසු විශේෂ අවධානයක් යොමු කරනවා කියලා. ඒ නිසා ජනාධිපතිවරයා මේ සම්බන්ධයෙන් විශේෂ අවධානයක් යොමු කළ යුතුයි.
