ඖෂධ මිලදී ගැනීම සඳහා රාජ්ය ආයතන සතුව ප්රමාණවත් මුදල් නොමැති බවට ඊයේ පැවති සාකච්ඡාවකදී සෞඛ්ය බලධාරීන් ප්රකාශ කළ බව ශ්රී ලංකා ඖෂධවේදීන්ගේ සංගමය පවසනවා.
එහි සභාපති, ඖෂධවේදී කපිල ද සොයිසා පැවසුවේ හදිසි මිලදී ගැනීම් හරහා හෝ රටට අවශ්ය ඖෂධ මිලදී ගැනීමට රජය කටයුතු කළ යුතු බවයි.
පවතින තත්ත්වය මත රට තුළ ඇති ඖෂධ හිඟය තවත් මාස 03 ක් පමණ පවතිනු ඇතැයි මෙහිදී ප්රකාශ කෙරුණා. එබැවින් රෝගාබාධවලට ගොදුරු නොවී හැකිතාක් පරිස්සම්වීම මේ මොහොතේ කළ හැකි හොඳම කාර්්යය බව ඖෂධවේදී කපිල ද සොයිසා වැඩිදුරටත් සඳහන් කළා.
