මෙරට ගොවි ජනතාවගෙන් සාතිශය බහුතරයක්, දශලක්ෂ සංඛ්යාත ගොවි ජනතාව විශ්වාසය තැබුවේ අනුර කුමාර දිසානායක සහ ජනතා විමුක්ති පෙරමුණ කෙරෙහි බවත් ඔවුන් මැතිවරණ වේදිකාවල දී ගොවි ජනතාවගේ හදවත තේරෙන්නේ ඔවුන්ට පමණක් බවට පැවසූ බවත් නිර්ප්රභූ දේශපාලනය තුළ මෙතෙක් කල් ගොවි ජනතාවට ලැබුනු කුඩම්මාගේ සැලකිල්ල වෙනුවට ගොවි ජනතාව රජකරවන, ගොවි ජනතාවට ශක්තිය ලබා දෙන සමාජයේ ගොවි ජනතාවට නිසි තැන ලබා දෙන පොදු ජන යුගය බිහි කරන බව පැවසූ නිසා ඊට රැවටී මුලා වී ජනතා විමුක්ති පෙරමුණේ ඇන්දවිල්ල තුළ දශලක්ෂ සංඛ්යාත ගොවි ජනතාව සුබවාදී හෙටදවසක් වෙනුවෙන් අනුර කුමාර දිසානායක ඇතුළු ජවිපේට බලය දුන්නත් දැන් මේ රජයම තමන්ව පත් කළ ගොවි ජනතාව කසිප්පුකාරයන් ලෙස හංවඩු ගසමින් යන බවත් විපක්ෂ නායකවරයා පැවසීය.Sri Lanka Latest News
ගොවි ජනතාව කසිප්පුකාරයා කෘත්රීම ගොවියා යැයි මොවුන් අද හැඳින්වුවත් එදා මැතිවරණ සමයේ පවා ගොවියා රජකමට සුදුසු යැයි පැවසූ නමුත් අද ඒ ගොවියාම මංකොල්ලකාරයන් බවට අපහාස කරමින් යන බවත් මොවුන් මෙතෙක් කල් ඉතිහාසයේ ගොවි ජනතාවට ලබා නොදුන් සහන රැසක් දෙනවා කිව්වත් ඒ දෙනවා කියු සහන අදටත් නොමැති බවත් ගොවියාගේ ගැටලුවලට ලබා දෙනවා කියූ උත්තර තවමත් නොමැති බවත් විපක්ෂ නායක සජිත් ප්රේමදාස මහතා පැවසීය.
විපක්ෂ නායක සජිත් ප්රේමදාස මහතා මේ බව කියා සිටියේ අද හම්බන්තොට, වීරවිල දී ගොවි ජනතාවගේ ගැටලු සොයා බැලීම සඳහා පැවැති ජන හමුවක් අමතමිනි.
අද රටේ 30-40%ක් අතර ප්රමාණයක් දුප්පත් වන විට මේ අතර ගොවි ජනතාවද සිටින බවත් මේ රජය ගොවි ජනතාව දුප්පත් කර ඇති බවත් ගොවි ජනතාවට කරන කෙනෙහෙලිකම් හා ප්රතිපත්ති නිසා ගොවියා දුප්පත් වි ඇති බවත් ගුණාත්මකභාවයෙන් ඉහළ බිත්තර වී, පොහොර, කෘෂී රසායන දරාගත හැකි මිලකට නොමැති බවත් පොහොර සහනාධාරය පවා ලැබෙන්නේ වගා කටයුතු අවසන් වූ පසුව බවත් බාල තෙල් පොහොර කෘෂි රසායන පවා අප රටට ගෙන්වමින් ගොවියා අනාථ කර ඇති බවත් අද අස්වැන්න වැඩි වෙනවා වෙනුවට වියදම වැඩි වී ඇති බවත් කෘෂි උපකරණවල මිල පවා ශීඝ්රයෙන් ඉහළ ගොස් ඇති බවත් විපක්ෂ නායකවරයා පැවසීය.
අද ගොවි ගැටලු කතා කරන්න පාර්ලිමේන්තුවේත් මාධ්ය තුළත් අවසර නෑ
අලි මිනිස් ගැටුමට විසදුම් නොමැති සේම වාරි පුනරුත්ථාපන වැඩපිළිවෙළ පවා නිසි පරිදි ක්රියාත්මක කර නොමැති බවත් බලය ලැබුණට පසු කෘෂිකර්ම ඇමතිවරයා දැන් මාධ්යවේදීන්ට ඇගිලි දිගු කරන බවත් ගොවියා වෙනුවෙන් ප්රශ්න අහන්න අද පාර්ලිමේන්තුවේත් මාධ්ය තුළත් ඉඩක් නොමැති බවත් නිසි කළමනාකරණයකින් යුක්ත කෘෂිකාර්මික ප්රතිපත්තියක් ක්රියාත්මක කළ නොහැකි වීම නිසා ගොවි ජනතාව අන්ත අසරණ වී ඇති බවත් විපක්ෂ නායකවරයා පැවසීය.
මේ රජය හිතාමතාම ගොවි ජනතාව දුප්පතුන් බවට පත් කරනවා
එසේම පාරිභෝගිකයන්ගේ අයිතිය සුරක්ෂිත වන කුඩා හා මධ්ය පරිමාණ වී මෝල් හිමියන්ද කෘෂි අලෙවි ජාලයට එකතු කර ගත් ඒකාබද්ධ වැඩපිළිවෙළක් කරා යන්න රජයට නොහැකි වී ඇති බවත් ජනාධිපතිවරයා මැති ඇමතිවරු රැස්වීම්වලට ගොස් කරුණු කාරණා ඉදිරිපත් කළත් එහි වී මිල ගැන කතා කරන්න අයිතියක් නොමැති බවත් මේ රජය හිතාමතාම ගොවියාව දුප්පත් කරමින් යන බවත් වී කිලෝවක් නිෂ්පාදනය කරන්න රු. 137ක් වැය වන බවට කෘෂිකර්ම ඇමතිවරයා පාර්ලිමේන්තුවේ කිව්වත් අද වී සඳහා දෙන්නේ රු. 120ක සහතික මිලක් බවත් මේ නිසා ගොවියාට රු. 17ක් පාඩු බවත් විපක්ෂ නායකවරයා වැඩිදුරටත් පැවසීය.
දෙනවයි කිව්ව රු. 150 සහතික මිලත් අද නෑ
අද වන විට දශලක්ෂ සංඛ්යාත ගොවි ජනතාව අන්ත අසරණ වී ඇති මොහොතක ජන සංඛ්යා ලේඛන දෙපාර්තමේන්තුවට අනුව මාසෙකට රු. 17000-18000ක් ජිවත් වෙන්න ඇති බවට පවසන බවත් ආණ්ඩුවේ නියෝජිතයන් කුඹුරට බැස ගොයම් කකා වී කිලෝවට රු. 150ක් දෙනවා කිව්වත් අද එය නොමැති බවත් ආණ්ඩුව වී මිලදී ගන්නේ සුළු ප්රමාණයක් නිසා කුඩා හා මධ්ය පරිමාණ මෝල් හිමියන් දිරිගැන්වීම සිදු කළා නම් මේ ගැටලු නොමැති බවත් අද වන විට කෘෂිකර්මාන්තයට අදාළ සියලු දේ කඩා වැටී විනාශ වෙමින් යන බවත් මේ රජයට ජාතික කෘෂිකර්ම ප්රතිපත්තිය ක්රියාත්මක කරන්න කිසිදු අවබෝධයක් නොමැති බවත් විපක්ෂ නායක සජිත් ප්රේමදාස මහතා පැවසීය.
මේ රජය ගෙදර යවන සටන පටන් ගන්නේ ගොවි ජනතාව
මේ රජය ගෙදර යවන ලොකුම සටන දැන් කරන්නේ ගොවි ජනතාව බවත් මේ වගේම බොරු කියා ජනාධිපතිවරයකු පත් වූ බවත් ඔවුන්ට පත්වූ ඉරණම වූයේ ඡන්දයට පෙරම ජනතාව ඔහුව එලවා දැමීම බවත් පෝලිම් යුගය ඇති වන විට දුප්පත්කම වැඩි වන විට විදුලිය විසන්දි වන විට හැටනව ලක්ෂයක් ගත් ජනාධිපතිවරයා පවා ගෙදර යැවීමට ජනතාව කටයුතු කළ බවත් මේ රජයත් ගොවි ජනතාව විනාශ කරන යුගයක් නිර්මානය කරන්න අනුර කුමාර දිසානායක කෘෂිකර්ම ප්රතිපත්ති සකස් කර අවසන් බවත් විපක්ෂ නායකවරයා පැවසීය.
දැන්වත් මොවුන්ට රැවටෙන්න එපා
නිර්ප්රභූ දේශපාලනය කරනවා කියූ මාලිමාව ප්රභූ දේශපාලනයට මාරු වී ගොවියා අමතක කර ඇති බවත් දැන්වත් ගොවි ජනතාව වෙනුවෙන් සිදු කළ පොරොන්දු ඉටු කළ යුතු බවත් විපක්ෂ නායකවරයා ලෙස කුමන බාධක පැමිණියත් පාර්ලිමේන්තුවේත් ඉන් පිටතත් ගොවි අයිතිය සුරක්ෂා කරන්න කටයුතු කරන බවත් දැන්වත් මොවුන්ට නොරැවටෙන ලෙස ගොවි ජනතාවගෙන් ල්ලා සිටින බවත් විපක්ෂ නායක සජිත් ප්රේමදාස මහතා වැඩිදුරටත් පැවසීය.
