විෂබීජනාශක ද්රව්ය විශාල වශයෙන් අවශ්ය කෙරෙන ප්රදේශවලට ඉසීම සඳහා ශ්රී ලංකා ගුවන් හමුදාව විසින් හෙලිකොප්ටර් කිහිපයක් නවීකරණය කර ඇත.
ගුවන් හමුදාපති එයාර් මාෂල් සුමංගල ඩයස්ගේ උපදෙස්වලට අනුව කටුනායක ගුවන් හමුදා කඳවුරේ ඉංජිනේරු අංශය විසින් මෙම හෙලිකොප්ටර් නවීකරණය කර ඇති බව වාර්තා වේ.
මෙලෙස නවීකරණය කෙරුණු බෙල් 212, බෙල් 412 සහ එම්.අයි-17 යානා සඳහා විෂබීජනාශක ද්රව්ය ඉසීමේ උපකරණ සවිකර ඇති අතර ඉදිරි දින කිහිපය ඇතුළත විශාල වශයෙන් නිරෝධායනය කළ යුතු ප්රදේශ ගුවන් මගින් නිරෝධායනය කිරීමට අවශ්ය වැඩපිළිවෙළ සකස් කොට ඇති බව දැනගන්නට ඇත.
