ආණ්ඩුව පනවා ඇති නව නීති රීති සමග ජංගම දුරකතන හිඟයක් මතුවීම නොවැළැක්විය හැකි බවත්, ඒ හරහා ජංගම දුරකතනවල මිල විශාල වශයෙන් ඉහළ යා හැකි බවත් ඇපල් සහ එම්.අයි. ජංගම දුරකතන ලංකාවට ගෙන්වා බෙදාහරින එකම නියෝජිතයා වන ‘ජෙනෙක්ස්ට්’ ආයතනයේ ප්රධාන විධායක නිලධාරී රජීව් ගුණරත්න මහතා පැවසීය.
ඒ මහතා පෙන්වා දුන්නේ ණයවර ලිපි විවෘත කිරීම සදහා බැංකුවලට ගියද ආණ්ඩුව කියන මිලගණන්වලට ඩොලර් නොමැති බවකි.
ඒ හේතුව මත ඉදිරියේදී නියත වශයෙන්ම ජංගම දුරකතන හිගයක් සහ මිල වැඩිවීමක් බලාපොරොත්තු විය හැකි බව ඒ මහතා පෙන්වා දුන්නේය.
එමෙන්ම පවතින තත්ත්වය යටතේ මහාපරිමාණ ආයතන කිහිපයක් පමණක් ඉතිරිව කුඩා පරිමාණ සමාගම් සියල්ල වැසීයනු ඇති බවද ගණරත්න මහතා කීය.
චමුදිත සමරවික්රම මහතා සමග සාකච්ජාවකට එක්වෙමින් ඒ මහතා මේ බව කීය.
