මානව ප්රතිදේහ ජනක එන්නත් මෙරටට ගෙන්වීමේදී සිදුව ඇතැයි කියන මහාපරිමාණ අක්රමිකතාව ක්රියාත්මක කළ සෞඛ්ය නිලධාරීන් මෙහෙයවූ දේශපාලන බලවතා කවුද යන්න ගැන ප්රසිද්ධියේ තොරතුරු හෙළිව ඇති බවත් ඒ පිළිබඳ රහස් පොලිසියේ ඇස යොමවනු ඇති බවත් තම සංගමය විශ්වාස කරන බව රජයේ වෛද්ය නිලධාරීන්ගේ සංගමයේ මාධ්ය ලේකම් වෛද්ය චමිල් විජේසිංහ මහතා ‘මව්රට’ට පැවැසීය. (Sri Lanka Latest News)
අදාළ එන්නත ලියාපදිංචියක් නැති සමාගමකින් ගෙන්වීමට බලපෑම් කළේ කවුද යන්න තම සංගමයට ප්රශ්නයක් වී ඇති බවයි ඔහු සඳහන් කළේ.
සෞඛ්ය නිලධාරීන්ට තනි මතයට තීරණ ගත නොහැකි බවත්, එය පිටුපස දේශපාලන බලපෑමක් අනිවාර්යයෙන් තිබිය යුතු බවත් තම සංගමයේ මතය බවයි ඔහු සඳහන් කළේ.
ඖෂධ හිඟය සහ හදිසි මිලදී ගැනීම් පිටුපස අක්රමිකතා මුදල් නාස්තිය බලවත් ලෙස සිදුවන බවට වූ සැකයක් මුල සිටම රජයේ වෛද්ය නිලධාරීන්ගේ සංගමයට තිබූ බවත්, එය මේ වන විට සනාථ වී ඇති බවත් වෛද්ය විජේසිංහ මහතා පැවැසීය.
එම අක්රමිකතා සිදුවීමෙන් රජයටද රුපියල් කෝටි ගණනක මුදල් නාස්තියක් සිදුව ඇති අතර, එය රෝගීන්ගේ ජීවිත අවදානම දක්වා පැතිර ඇති බවයි ඔහු සඳහන් කළේ.
ප්රේමලාල් විජේරත්න
