පසුගිය දින කීපය තුළදී සුළි කුණාටුවක බලපෑම මත ශ්රී ලංකාවට බලපෑ දැඩි කාලගුණ විපර්යාසය නිසා ඇතිවූ ගංවතුර තත්ත්වයෙන් දිස්ත්රික්ක 23ක පදිංචි පවුල් 1,32,110ක පුද්ගලයන් 4,01,590ක් පීඩාවට පත්ව ඇති බව ආපදා කළමනාකරණ මධ්යස්ථානයේ හදිසි මෙහෙයුම් අධ්යක්ෂ බි්රගේඩියර් කුමාර පෙරේරා මහතා ‘මව්රට’ට පැවැසීය. (Sri Lanka Latest News)
පසුගිය සිකුරාදා (29) වනවිට එම ආපදාවලින් මියගිය පුද්ගලයන් සංඛ්යාව 13ක් වන අතර, අතුරුදන් වූ සංඛ්යාව 02ක් බවද සඳහන්ය.
එසේ විපතට පත්වී ඇති පවුල් 8,675ක පුද්ගලයන් 27,717 දෙනකු ආරක්ෂිත ස්ථාන 279ක රඳවා ඔවුන්ට අවශ්ය පහසුකම් සලසා දීමට ප්රාදේශීය ලේකම්වරුන්ගේ අධීක්ෂණය යටතේ පොලිසිය සහ ත්රිවිධ හමුදාව පියවර ගෙන ඇත.
ජනාධිපතිවරයාගේ උපදෙස් මත යුද හමුදාවේ 58 වැනි සේනාංකයේ සියලු භටයන් ඒ සඳහාම යොදවා ඇති බවද බි්රගේඩියර්වරයා පැවැසීය.
විපතට පත්වූවන් ආරක්ෂිත ස්ථානවලට ගෙන ඒම සඳහා නාවික, යුද, පොලිස් සේවාවන්වල බෝට්ටු 239ක් සමග කණ්ඩායම් 210ක්ද යොදවා තිබේ.
මේ වනවිට ගංවතුර හේතුවෙන් නිවාසවලට සිදුව ඇති පූර්ණ හානි 102ක් සහ අර්ධ හානි 2096ක් වාර්තා වී තිබේ.
ප්රේමලාල් විජේරත්න
