2024 ජනවාරි සිට ජුනි මාසය දක්වා කාලය තුළ භාණ්ඩ අපනයනය තුළින් ලංකාව උපයා ඇති ආදායම ඩොලර් මිලියන 7,275කි. එහෙත් අදාළ කාලය තුළ භාණ්ඩ ආනයනය කිරීම සඳහා වැයකොට ඇති මුදල ඩොලර් මිලියන 10,418ක් පමණ වේ. (Sri Lanka Latest News)
මේ නිසා වෙළෙඳ ගිණුමේ හිඟය ඩොලර් මිලියන 3,144 දක්වා වර්ධනය වී ඇත.
පෙර වසර කාලයේදී අදාළ කාලය සලකා බලන විට වෙළෙඳ ගිණුමේ හිඟය පවතිනුයේ ඩොලර් මිලියන 2,656ක් ලෙස බව පේරාදෙණිය විශ්වවිද්යාලයේ මානව ශාස්ත සහ සමාජ විද්යා පශ්චාත් උපාධි අධ්යයන අංශයේ අධ්යක්ෂ සහ ආර්ථික විද්යාව පිළිබඳ මහාචාර්ය වසන්ත අතුකෝරළ මහතා පැවැසීය.
මේ අනුව අදාළ මාස 7ක කාලය තූළ වෙළෙඳ ගිණුමේ හිඟය 15%ක පමණ වර්ධනයක් දැකිය හැකිය.
රටේ අපනයන ආදායම වර්ධනය වීමට සාපේක්ෂව ආනයන වියදම වේගයෙන් ඉහළ යෑම මෙවැනි තත්ත්වයක් ඇතිවීම කෙරෙහි ඍජුවම බලපා ඇත.
වෙළෙඳ ශේෂයේ හිඟය මෙසේ වර්ධනය වීම අනාගතයේ ලංකාවේ ආර්ථිකය කෙරෙහි අයහපත් ආකාරයෙන් බලපානු ඇති බවද සඳහන්ය.
ප්රේමලාල් විජේරත්න
