වගා හානි සිදුකරන රිළවුන්, වඳුරන්, මොනරුන්, දඬුලේනුන් ගැන විනාඩි 05ක සංගණනය මෙම මස 15 දින සිදුකිරීමට සැලසුම් කර ඇති බව කෘෂිකර්ම අමාත්යාංශයේ අතිරේක ලේකම් දිස්නා රත්නසිංහ මහත්මිය පැවැසුවාය. Sri Lanka Latest News
අදාළ සංගණනයට යොදා ඇති විනාඩි 05ක කාලසීමාවෙන් එම සංඛ්යාව ගණනය කළ හැකිද යන්න ගැන ‘මව්රට’ ඇයගෙන් කළ විමසීමේදී ඇය සඳහන් කළේ තමන්ගේ ගෙවත්තේ එම කාලය තුළ සිටින රිළවුන්, වඳුරන්, මොනරුන්, දඬුලේනුන් ගණන් ගැනීමෙන් එම සතුන් සංඛ්යාව පිළිබඳ දළ අදහසක් ලබාගත හැකි බවයි.
ඒ සඳහා සියලු ග්රාම නිලධාරීන්, සමෘද්ධි නිලධාරීන්, කෘෂිකර්ම පර්යේෂණ නිලධාරීන්ගේ සහාය ලබාගැනීමට කටයුතු යොදා ඇති බවද ඇය සඳහන් කළාය.
මේ අතර, මෙම රිළවුන් වඳුරන් මොනරුන් හා දඬුලේනුන් නිසා මහනුවර දිස්ත්රික්කයට සහ කෑගල්ල දිස්ත්රික්කයට දැඩි බලපෑමක් එල්ලවී ඇති බව ප්රදේශවාසීහු පවසති.
වසංගතයක් මෙන් පැතිරී ඇති මෙම සතුන් ගහනය දවසින් දවස ඉහළ යෑම නිසා ගොඩ ගොවිතැන, පොල් ඵලදාව පමණක් නොව නිවෙස්වල බත් මුට්ටියද රැකගැනීමට දැඩි වෙහෙසක් දැරීමට සිදුව ඇති බවයි වාර්තා වන්නේ.
බලධාරීන් පවසන්නේ මෙම සංගණනයෙන් පසු ඒ පිළිබඳ සිතියම් ගතකොට ඉදිරි කටයුතු සිදුකරන බවයි.
ප්රේමලාල් විජේරත්න
