අධික වේගයෙන් රිය පදවන රියැදුරන් පහසුවෙන් අත්අඩංගුවට ගැනීමට හැකිවන අන්දමේ විශේෂිත කැමරා තොගයක් මෙරටට ගෙන්වා පොලිස් කොට්ඨාසවලට බෙදාහැර ඇතැයි රථ වාහන පොලිස් මූලස්ථානයේ අධ්යක්ෂ ජ්යෙෂ්ඨ පොලිස් අධිකාරී මනෝජ් රණගල මහතා ‘මව්රට’ට පැවැසීය. Sri Lanka Latest News
ඇමෙරිකාවෙන් ගෙන්වා ඇති එම විශේෂිත කැමරා මගින් රියැදුරන්ගේ වේගය ඡායාරූපය ඇතුළු විස්තර එහි සටහන් වන නිසා පහසුවෙන් නීතිමය ක්රියාමාර්ග ගත හැකි බවද ඔහු සඳහන් කළේය.
‘ටූ ස්කෑන් ස්පෙෂල් ගන්’ නමින් හඳුන්වන මෙම විශේෂිත කැමරා 33ක් මෙරටට ගෙන්වා ඇති බව සඳහන්ය.
එක් කැමරාවක වටිනාකම රුපියල් ලක්ෂයක් බව පැවැසේ.
නියමිත වේග සීමාවන් අභිභවා රිය පදවන ඇතැම් බස් රියැදුරන් නිසා සිදුවන මාරක අනතුරු සංඛ්යාව සහ මියයෑමේ ප්රවණතාවද ඉහළ යෑම හේතුවෙන් පොලිසිය මෙම නව තාක්ෂණික ක්රමවේදය අනුගමනය කරමින් රථ වාහන අනතුරු අවම කිරීමට කටයුතු යොදා ඇත.
ප්රේමලාල් විජේරත්න
