මහා භාණ්ඩාගාරයෙන් ඩොලර් මිලියන 2.5ක මුදලක් අතුරුදන් වීම සම්බන්ධයෙන් මුදල් අමාත්යාංශ ලේකම් හර්ෂණ සූරියප්පෙරුම මහතා පාර්ලිමේන්තුවේ මුදල් කමිටුව හමුවේ ලබාදුන් තොරතුරු ප්රසිද්ධියට පත්කරන ලෙස විපක්ෂ නායක සජිත් ප්රේමදාස මහතා ආණ්ඩුවට අභියෝග කර සිටියේය.Sri Lanka Latest News
විපක්ෂ නායකවරයා පෙන්වා දෙන්නේ මෙම සිදුවීම මාස 5ක කාලයක් ආණ්ඩුව විසින් සඟවා තිබූ බවත්, ඒ සම්බන්ධයෙන් මුදල් අමාත්යාංශ ලේකම්වරයා මුදල් කමිටුවේදී සිදුකළ කරුණු දැක්වීම පවා සඟවාලීමට ආණ්ඩුව කටයුතු කර ඇති බවත්ය.
ඒ අනුව මුදල් ලේකම්වරයා මුදල් කමිටුව හමුවේ ලබාදුන් පිළිතුරුවලට අදාළ වීඩියෝ ජනතාවගේ දැනගැනීම සඳහා ප්රසිද්ධියට පත්කරන ලෙසද විපක්ෂ නායකවරයා ආණ්ඩුවෙන් ඉල්ලා සිටියේය.
