නීතිරීති චක්රලේඛ පසෙක දමා ජාතික පාසල් අතරිනුත් ජනප්රියත්වයෙන් ඉහළම තලයේ පාසල්වල දෙවැනි ශ්රේණියේ සිට එකොළහ ශ්රේණිය දක්වා (5-6 හැර) අතරමැදි ශ්රේණිවලට, බලපුළුවන්කාරයන් තම දරුවන් ඇතුළු කරගැනීම නිසා, කිසිම හවුහරණක් නැති (අසරණ) උදවියගේ (පීඩිත පංතියේ) සියලු සුදුසුසුකම් සපුරා ඇති දරුවන්ට යථෝක්ත පාසල්වලට ඇතුළු වීමේ වරම අහිමිවී ඇතියෙන් මේ ක්රමය වහාම නිවැරදි කළ යුතු යැයි විගණකාධිපති ඩබ්ලිව්.පී. චූලා වික්රමරත්න මහතා පාර්ලිමේන්තුවට වාර්තාකර තිබේ. (Sri Lanka Latest News)
අධ්යාපන අමාත්යාංශයේ ලේකම්වරයාගේ නියෝගය පිට මේ අන්දමින් වංචනිකව 2020 ජනවාරි පළමු වැනිදා දිට 2022 මැයි 31 දක්වා වූ දැැවුරුදු පස්මස් කාලය තුළ පමණක් සිසුන් 2,237 දෙනකු ඇතුළත් කරවා ගැනීමට ජනප්රියත්වයෙන් ඉහළම තලයේ පාසල්වල විදුහල්පතිවරුනට සිදුවී තිබේ.
සිසුන් අයථා අන්දමින් ඇතුළත් කරගැනීමට දේශපාලන අධිකාරියෙන් ඉදිරිපත් කෙරී ඇති අනිසි ඉල්ලීම් 2,367ක් නොසලකා හැරීමට අධ්යාපන ලේකම්වරයාට කිසිසේත් නොහැකිවී තිබේ.
මේ නින්දිත ක්රියාවෙන් සිදුවී ඇත්තේ සමාජයේ අසරණ පවුල්වල දරුවන්ගේ අයිතිවාසිකම් පැහැර ගැනීම බවද, මේ සඳහා එක සිසුවකු ඇතුළත් කිරීම වෙනුවෙන් රුපියල් 50,00,000 – 60,00,000 අත යට ගනුදෙනු කෙරී ඇති බව දැනගන්නට ඇතැයිද විගණන ආරංචිවලින් පැවසේ.
මෙම ක්රියාවලිය නිවැරදි කිරීම සඳහා විගණකාධිපතිවරයා පහත සඳහන් නිර්දේශ පාර්ලිමේන්තුවට නිර්දේශ කරනු ලැබ ඇත.
1. ජාතික පාසල්වලට සිසුන් ඇතුළත් කිරීමේ නීතිරීති අකුරට පිළිපැදිය යුතුය. 2. සිසුන් ඇතුළත් කිරීමේ ක්රියාවලිය වැඩිදුර පරීක්ෂා කළ යුතුය. 3. රාජ්ය නිලධාරීන්ගේ කාර්යභාරයේදී බාහිර පාර්ශ්වයන්ගේ මැදිහත්වීම ඉවත් කළ යුතුය. 4. සිසුන් ඇතුළත් කිරීමේ දී විදුහල්පතිවරුනට කෙරෙන බලපෑම් වැළැක්විය යුතුය. 5. අතරමැදි ශ්රේණිවලට සිසුන් ඇතුළත් කිරීමේ අභ්යන්තර පාලන ක්රමය විධිමත් කළ යුතුය.
චන්ද්රසේන මාරසිංහ
