විශාල ජීවිත සහ දේපළ හානියක් සිදුකළ දිට්වා සුළි කුණාටුව සම්බන්ධයෙන් කාලගුණ විද්යා දෙපාර්තමේන්තුව නිසි අයුරින් ආණ්ඩුව සහ රට දැනුවත් නොකළ බවට ආණ්ඩුවේ පාර්ශ්වයන්ගෙන් එල්ල වන චෝදනාවන්ට ප්රතිචාර දැක්වීමට ශ්රී ලංකා කාලගුණ විද්යාඥයන්ගේ සංගමය පියවර ගෙන ඇත.Sri Lanka Latest News
ඒ අනුව ශ්රී ලංකා කාලගුණ විද්යාඥයන්ගේ සංගමයේ උප ලේකම් සී.ජී. ප්රේමචන්ද්ර මහතාගේ අස්සනෙන් යුතුව නිකුත් කළ නිවේදනයක දැක්වෙන්නේ නොවැම්බර් මස 23 වැනිදා සිට අවස්ථා 25කදී මෙම අයහපත් කාලගුණ තත්ත්වය සම්බන්ධයෙන් නිවේදන සහ ප්රකාශයන් නිකුත් කිරීමට කාලගුණ විද්යා දෙපාර්තමේන්තුව කටයුතු කොට ඇති බවකි.
ඒ අනුව යම් යම් පාර්ශ්වයන් එල්ල කරන චෝදනා පදනම් විරහිත බව පෙන්වා දෙන එම සංගමය ඉකුත් 27 වැනිදා සිට නිකුත් කරන ලද සියලු නිවේදනයන් එකින් එක සිය නිවේදනය මගින් අනාවරණ කිරීමටද කටයුතු කොට තිබේ.
එම සංගමය නිකුත් කළ නිවේදනයේ අවසන් පරිච්ඡේදයේ මෙසේ දැක්වේ.
‘ඉහතින් දක්වා ඇති කරුණු අනුව දිට්වා සුළි කුණාටුව වර්ධනය වීමට පෙර සිටම පවතින නිශ්චිත ක්රියාත්මක වීමේ පටිපාටිවලට අනුකූලව අදාළ පාර්ශ්වකාර ආයතන වෙත සහ ජනතාව වෙත කාලගුණ විද්යා දෙපාර්තමේන්තුවේ කාලගුණ විද්යාඥයන් විසින් නිසි දැනුවත් කිරීම් සහ අනතුරු ඇඟවීම් සිදුකළ බව අවධාරණය කරමු. මේ හේතුවෙන් ධීවර හා නාවික ප්රජාව මෙම පද්ධතීන් මගින් වූ අවදානමෙන් ගලවා ගැනීමට අවස්ථාව ලැබිණි. කෙසේ වෙතත් දේශගුණික විපර්යාසයන් හමුවේ වඩාත් අවිනිශ්චිත වන ආන්තික කාලගුණික අවස්ථාවන් හඳුනාගැනීම වෙනුවෙන් කාලගුණ විද්යා දෙපාර්තමේන්තුවේ අනතුරු ඇඟවීමේ ක්රියාවලිය පවතින තත්ත්වයට වඩා දියුණු කිරීමට අවශ්ය බව අප විශ්වාස කරමු. ඒ වෙනුවෙන් මෙම ආපදා අවස්ථාවේ පැවැති දුර්වලතා අප විසින් විස්තරාත්මකව අධ්යයනය කරමින් පවතින බව දැනුම් දෙමු…’
