බටහිර සහ මධ්යම බටහිර අප්රිකානු රටවලින් පැතිර ගිය වඳුරු උණ වෛරසය ශ්රී ලංකාවටත් ඇතුළු වීමේ අවදානමට මුහුණ දීම සඳහා මේ රටේ සියලු වරායන්වල සහ ගුවන් තොටුපළවල නිරෝධායන වෛද්ය සේවා පුළුල් කර ඇතැයි රජයේ නිරෝධායන ආයතනයේ උසස් නිලධාරියකු පැවැසීය. (Sri Lanka Latest News)
එම නිලධාරියා වැඩිදුරටත් සඳහන් කළේ මේ වනවිට විදේශ රටවලින් පැමිණි වඳුරු උණ වෛරසය ශරීරගත වූ රෝගීන් තායිලන්තය, පාකිස්තානය සහ සිංගප්පූරුවෙන්ද හමුවී ඇති බවයි.
ඒ අනුව කොළඹ වරාය, යාපනය කන්කසන්තුරෙයි, ගාල්ල, හම්බන්තොට වරායවල් සහ කටුනායක, මත්තල, රත්මලාන යන ගුවන් තොටුපළවලටද නිරෝධායන නිලධාරීන් යොදවා මේ පිළිබඳ විශේෂ චක්රලේඛ නිකුත් කර ඇති බවද එම නිලධාරියා පැවැසීය.
කොළඹ වරායට පැමිණෙන සෑම විදේශීය නෞකාවක් මගින්ම වෙනදා මෙන් එම නෞකාවේ සිටින පිරිස් පිළිබඳ ලබාදෙන නිෂ්කාශන වාර්තාවක් අදාළ නිරෝධායන නිලධාරීන්ගේ දැඩි පරීක්ෂාවට භාජන කෙරේ.
ප්රේමලාල් විජේරත්න
