2024 ජනවාරි සිට ජූනි දක්වා මාස 6 තුළදී වෙළෙඳ ගිණුමේ හිඟය 2023 වසරේ අදාළ කාලසීමාව හා සසඳන විට 11%කින් පමණ ඉහළ ගොස් ඇති බව පේරාදෙණිය විශ්වවිද්‍යාලයේ මානව ශාස්ත්‍ර සහ සමාජ විද්‍යා අංශයේ අධ්‍යක්ෂ සහ ආර්ථික විද්‍යාව පිළිබඳ මහාචාර්ය වසන්ත අතුකෝරල මහතා පැවසීය.
ඒ අනුව අදාළ කාලසීමාව තුළ වෙළෙඳ ශේෂය 2024දී ඩොලර් මිලියන -2,540ක් වූ අතර, 2023දී අදාළ කාලසීමාව තුළ එය ඩොලර් මිලියන -2289ක් ලෙස පැවැති බව සඳහන්ය. (Sri Lanka Latest News)
රට තුළ ආනයන සීමාවන් ක්‍රමයෙන් ඉවත් කිරීම නිසා භාණ්ඩ ආනයන වියදම අදාළ කාලපරිච්ඡේදය තුළ 6.4%කින් පමණ ඉහළ ගොස් ඇත. එහෙත් මෙම කාලය තුළ භාණ්ඩ අපනයන ආදායමේ වර්ධනය 4.7%කි.
මෙසේ අපනයන ආදායමට වඩා ආනයන වියදම ඉහළ යෑම නිසා වෙළෙඳ ශේෂයේ හිඟය ක්‍රමයෙන් වර්ධනය වීමක් පෙන්නුම් කරන බවද මහාචාර්යවරයා සඳහන් කළේය.
ප්‍රේමලාල් විජේරත්න
