දිට්වා සුළි කුණාටුව හේතුවෙන් රට තුළ සිදුවූ ආපදා තත්ත්වය මුල්කොට ගෙන යට ගොස් තිබූ හොරු ඇල්ලීමේ මෙහෙයුම නැවත වතාවක් තීව්ර කිරීමට ආණ්ඩුව තීරණය කොට ඇත.Sri Lanka Latest News
ඒ අනුව, දූෂණ විමර්ශන සම්බන්ධයෙන් දැනට සිදුකරගෙන යන මෙහෙයුම් තීව්ර කරන ලෙසට අල්ලස් කොමිසමට සහ අපරාධ පරීක්ෂණ දෙපාර්තමේන්තුව වෙත ආණ්ඩුවේ ඉහළින් උපදෙස් නිකුත් වී ඇති බවක් දැනගන්නට ඇත.
එහි ප්රතිඵලයක් වශයෙන් පසුගිය සතියේ හිටපු අමාත්ය ජොන්ස්ටන් ප්රනාන්දු මහතාගේ පුත් ජොහාන් ප්රනාන්දු මහතා සතොස ආයතනයේ සිදුව ඇතැයි කියන දූෂණ චෝදනාවක් මුල්කරගෙන අත්අඩංගුවට ගැනීමට අල්ලස් කොමිසම පියවර ගත්තේය.
එමෙන්ම හිටපු අමාත්ය ජොන්ස්ටන් ප්රනාන්දු මහතා අත්අඩංගුවට ගැනීමට විමර්ශන කණ්ඩායම් කිහිපයක් යෙදවීමටද අල්ලස් කොමිසම කටයුතු කොට ඇත.
මීට අමතරව හිටපු ජනාධිපතිවරුන් වෙත එල්ල වී ඇති චෝදනා සම්බන්ධයෙන්ද විමර්ශන දැඩි කිරීමට ඒ පිළිබඳ පරීක්ෂණ පවත්වන කණ්ඩායම් කටයුතු කරමින් සිටින බවක් දැනගන්නට තිබේ.
මෙහි ප්රතිඵලයක් ලෙස ඉදිරි දින කීපය ඇතුළත හිටපු ප්රබල නායකයන් කිහිප දෙනකුම අත්අඩංගුවට ගැනීමට විමර්ශන කණ්ඩායම් කටයුතු කරමින් සිටින බවක්ද වාර්තා වේ.
