2024 සඳහා රජය විසින් අපේක්ෂිත ආදායම රුපියල් බිලියන 4,107ක් ලෙසත්, බදු ආදායම රුපියල් බිලියන 3,820ක් ලෙසත් අපේක්ෂා කරනු ලැබූ බව 2024 සඳහා වූ අයවැය ලේඛන තුළ දක්වා ඇති බව පේරාදෙණිය විශ්වවිද්යාලයේ මානව ශාස්ත්ර සහ සමාජවිද්යා පශ්චාත් උපාධි අංශයේ අධ්යක්ෂ සහ ආර්ථික විද්යාව පිළිබඳ මහාචාර්ය වසන්ත අතුකෝරල මහතා පැවැසීය. (Sri Lanka Latest News)
එහෙත් 2024 ජනවාරි සිට සැප්තැම්බර් දක්වා රජයට ලැබී ඇති මුළු ආදායම රුපියල් බිලියන 2,918ක් වන අතර, බදු ආදායම ලෙස රුපියල් බිලියන 2,688ක් ලැබී ඇත. එය පෙර වසරේ (2023) අදාළ කාලපරිච්ඡේදය සමග සසඳන විට මුළු ආදායමෙන් 38%ක පමණ වර්ධනයක් වන අතර, බදු ආදායම 39%ක පමණ වර්ධනයක් පෙන්නුම් කරනු ලබයි.
2024 ජනවාරි සිට සැප්තැම්බර් මාසය දක්වා සාමාන්යයෙන් මාසයකට රුපියල් බිලියන 324ක පමණ ආදායමක් ලැබී ඇත.
මෙම සාමාන්ය මාසික ආදායමට සමාන ආදායමක් මේ වසරේ අනෙක් මාස තුනේද ලැබෙන්නේ නම් මේ වසර තුළදී රජයට ලබාගැනීමට හැකිවන්නේ රුපියල් බිලියන 3,891ක් පමණි.
එසේ වුවහොත් රජය අපේක්ෂා කළ ආදායමට වඩා රුපියල් බිලියන 215ක පමණ අඩු ආදායමක් මේ වසර තුළදීම ලැබීමට නියමිතව ඇත.
මේ වසර තුළදී රජයේ සාමාන්ය මාසික වියදම රුපියල් බිලියන 433ක් පමණ වී ඇති අතර, රජයේ මාසික ආදායම රුපියල් බිලියන 324ක් පමණ වේ.
මේ අනුව රාජ්ය වියදම් පියවා ගැනීමට සාමාන්යයෙන් මාසයකට රුපියල් බිලියන 108ක පමණ ණය ගැනීමට සිදුව ඇත.
ඉදිරි වසර සඳහා අයවැය තුළ ඇතිවන හිඟය පියවා ගැනීමට යම් ආකාරයකට ක්රියා කළ යුතුය. එසේ නොවන්නේ නම් රාජ්ය ණය ගැනීම් තවදුරටත් ඉහළ යාහැකි බවයි මහාචාර්යවරයා සඳහන් කළේ.
ප්රේමලාල් විජේරත්න
