අගමැති හරිනි අමරසූරිය වහාම එම තනතුරෙන් ඉවත් කරන ලෙසට විපක්ෂයෙන් සහ විවිධ පාර්ශ්වයන්ගෙන් කෙතරම් බලපෑම් එල්ල වුවද ඒ කිසිවක් නොතකා අගමැතිවරිය තවදුරටත් එම තනතුරේ තබාගැනීමට ජනාධිපති අනුර කුමාර දිසානායක මහතා තීරණය කොට ඇත.Sri Lanka Latest News
6 ශ්රේණිය ඉංග්රීසි මොඩියුලයේ අසැබි වෙබ් අඩවියකද සබැඳියක් සඳහන්ව ඇති බවට තොරතුරු වාර්තා වීමත් සමග විපක්ෂය ඇතුළු පාර්ශ්වයන් ගණනාවක්ම ජනාධිපතිවරයාගෙන් ඉල්ලා තිබුණේ වහාම ක්රියාත්මක වන පරිදි අගමැතිවරිය එම තනතුරෙන් ඉවත් කිරීමට පියවර ගන්නා ලෙසය.
අසැබි වෙබ් අඩවියක් මුද්රණය වී තිබීම සම්බන්ධයෙන් ආණ්ඩුව වගකීම භාරගැනීමත් සමග විපක්ෂය තවදුරටත් ජනාධිපතිවරයාට දැනුම්දී තිබුණේ වගකීම භාරගැනීම පමණක් ප්රමාණවත් නොවන බවත්, ඊට වගකිව යුතු අගමැතිවරිය එම තනතුරෙන් ඉල්ලා අස්විය යුතු බවත්ය.
ඒ අනුව පසුගිය සතිය වනවිට නව අගමැතිවරයා ලෙස විජිත හේරත් මහතා පත්කළ යුතු බවටත්, හරිනි අමරසූරිය හට විදේශ අමාත්ය ධුරය ලබාදිය යුතු බවටත් වශයෙන් යෝජනාවක්ද ආණ්ඩුව වෙත ඉදිරිපත්ව තිබිණි.
නමුත් ජනාධිපතිවරයා මේ වනවිට තීරණය කර ඇත්තේ කුමන බලපෑම් එල්ල වුවද අගමැතිවරිය එම තනතුරෙන් ඉවත් නොකර තවදුරටත් අගමැති ධුරයේ තබාගැනීමටය.
