ලංකාවේ සිද්ධ වෙන සමහර දේවල්වලට එකිනෙක අවස්ථානුකූල සම්බන්ධතාවක් තියෙනවද කියලා අපිට හිතෙනවා. එහෙම හිතුණට එහෙම සම්බන්ධතාවක් නැති වෙන්න පුළුවන්. පහුගිය දවස්වල අපිට මතකයි හයේ මොඩියුලය සම්බන්ධව ඉතාම දරුණු චෝදනාවක් එල්ල වුණා ඒ මොඩියුලය හදපු අයට. මොඩියුලය හදපු අයට කිව්වම ආණ්ඩුවට නෙමෙයි, මොඩියුලය හැදුවේ ආණ්ඩුව අනුග්රාහකත්වය දෙමින් තමන් විසින් පත්කරන ලද කණ්ඩායමක් විසින් නම්, එහි කොටසක් ආණ්ඩුව දැරිය යුතුයි. නමුත් ආණ්ඩුව කියන කාරණාව මීට වඩා වෙනස්.Sri Lanka Latest News
ඉතින් මේ මොඩියුලය සම්බන්ධ කතාව මීට වඩා වෙනස් වුණාට දැන් මේ ගැන කතාබහ වෙන අතරතුරේදී අපි දැක්කා කනගාටුදායක දෙයක් සිද්ධ වෙලා තියෙනවා. මේක අපි හොයන්නම ඕනෙ එකක්. මේක නොවැම්බර් මාසයේදී ලැබුණු පැමිණිල්ලක් විදිහට තමයි කියන්නේ. 16 අවුරුදු වියේ පසුවන පිරිමි දරුවෙකුට ලිංගික අපයෝජනය කිරීම සම්බන්ධයෙන් අපයෝජන හා නිවාරණ විමර්ශන කාර්යාංශය වෙත ඉකුත් වසරේ නොවැම්බර් මාසයේ 24 වැනිදා පැමිණිල්ලක් ලැබිලා තියෙනවා. ඒ පැමිණිල්ල විභාග කරගෙන යද්දී ඔහුගේ පරිගණක සාක්ෂි වගේ දේවල්වලදී හොයාගන්නවා ඔහුට මේ පිරිමි දරුවා හැර වෙනත් පිරිමි දරුවන් 30 දෙනකුට අධික ප්රමාණයක් ලිංගිකව අපයෝජනයට ලක්කරලා වීඩියෝ දර්ශන ඔහු ළඟ තියෙනවා කියලා. මේ වීඩියෝ දර්ශන ගැන කරලා තියෙන පරීක්ෂණවලින් පසුව පුද්ගලයෙක් අත්අඩංගුවට පත්වෙනවා. මේ පුද්ගලයා අත්අඩංගුවට පත්වුණාට පස්සේ ඔහු පිළිබඳ පරීක්ෂණ සිද්ධ කරන්න සිද්ධ වෙනවා. දැනගන්න ලැබෙන විදිහට මේ පුද්ගලයා මහනුවර ප්රදේශයේ එක්තරා ව්යාපාරිකයෙක්.
ලංකාවේ මීට පෙර මෙවැනි සිදුවීම් වාර්තා නොවුණා නෙමෙයි, ඕනෙ තරම් මෙවැනි සිදුවීම් වාර්තා වෙලා තියෙනවා. රටක් විදිහට මෙවැනි සිදුවීම් බහුලව වාර්තා වුණු රටක් නෙමෙයි ලංකාව කියලා කියන්නේ. ඇත්තටම විවිධ මට්ටම්වලදී විවිධ තරාතිරම්වල අය විසින් යම් යම් තරුණ තරුණියන්ව, පාසල් ශිෂ්යයන්ව, දරුවන්ව විවිධ ලිංගික අපයෝජනවලට ලක්කරපු අවස්ථා අපි දැකලා සහ අහලා තියෙනවා. නමුත් මෙවර අපිට දකින්න ලැබෙන්නේ, අහන්න ලැබෙන්නේ මේක විශාල ප්රමාණයක්, විශාල පිරිසක් පුරුද්දක් විදිහට අපයෝජනයට ලක්කිරීමක්.
මෙවැනි අපයෝජන ලංකාවේ වාර්තා වෙන්න පටන් ගන්නේ හයේ මොඩියුලය කියවලා නෙමෙයි, හයේ මොඩියුලය එන්න කලිනුත් ලංකාවේ මෙවැනි සිදුවීම් වාර්තා වෙලා තියෙනවා. පාසල් මට්ටමින් සිද්ධ වෙච්ච අපයෝජන සිදුවීම් විශාල ප්රමාණයක් අපි දැකලා තියෙනවා. ඒ නිසා අපයෝජන අපිට නුහුරු නුපුරුදු අහලා නැති දැකලා නැති දෙයක් විදිහට දැන් මැජික් එකක් වගේ කතා කරන්න බැහැ. ඒකට චෝදනා කරනවා කියලා අපිට මේ හයේ පොතටම චෝදනා කරලා මේක ඇඟේ ගහලා පැත්තකින් අපිට බේරෙන්න බැහැ. නමුත් අපි විශ්වාස කරන්න ඕනෙ කාරණාව තමයි මෙවැනි තත්ත්වයක් යටතේ රටක් ඇතුළේ සිද්ධ වෙමින් යන අපයෝජන රැල්ලට තවත් එකක් දෙකක් එකතු වෙන විදිහට අනුබල දෙන ආකාරයේ දේවල් සිද්ධ නොවිය යුතු බව.
අපි දන්නවා අපේ රටේ දේශපාලනඥයන්ට සහ ආණ්ඩුවට එල්ල වන බරපතළම චෝදනාව වෙන්නේ මේ ලිංගික චෝදනා. සමලිංගික චෝදනා එල්ල වෙච්ච පළවෙනි ආණ්ඩුව මේක නෙවෙයි. ලංකාවේ ඕනෙ තරම් මෙවැනි චෝදනා එල්ල වෙච්ච, බරපතළ ලෙස ලිංගික අපයෝජන ලිංගික කාරණා සම්බන්ධයෙන් චෝදනා එල්ල වෙච්ච, සතුන් සමග ලිංගිකව එක්වුණා කියලා චෝදනා එල්ල වෙච්ච දේශපාලනඥයෝ ලංකාවේ ඉඳලා තියෙනවා. ඒ නිසා මේක අහම්බයක් විදිහට අපිට සලකන්න පුළුවන්කමක් නැහැ.
නමුත් අපි විශ්වාස කරන දේ තමයි ශ්රී ලංකා ප්රජාතාන්ත්රික සමාජවාදී ජනරජය තුළදී මෙවැනි දේවල් තවදුරටත් නොවිය යුතුයි සහ මෙවැනි දේවල් සඳහා අනුබල ලබාදෙන විදිහේ වැඩපිළිවෙළක් කිසිවෙක් විසින් දියත් කරනවා නම් ඉතාමත්ම හිතාමතා හෝ අතපසුවීමකින් හෝ නොදැන හෝ දැන හෝ මෙවැනි දෙයක් සිද්ධ කරනවා නම් ඒ අය සම්බන්ධව නීතිමය පියවර ගන්න ඕනේ. මෙවැනි දේවල් සිද්ධ වීම වළක්වන්නට පියවර ගන්න ඕනේ.
එහෙම දේවල් සිද්ධ වෙන එක වළක්වන්න බැරි නම් රටක් ඇතුළේ ආණ්ඩුවක් විසින් මෙවැනි දේවල්වලට අනුබල දෙන විදිහේ දේවල් නොකළ යුතුයි. ඇත්තටම මෙවැනි දේවල් නිසා ප්රවර්ධනයට ලක්වෙන්නේ රට ඇතුළේ නොවිය යුතු යැයි සම්මත නීතියෙන් තහනම් කරනු ලැබූ නීතියෙන් වැරදියි යෝජනා කරනු ලැබූ දේවල් විදිහටයි අප විශ්වාස කරන්නේ.
ඉතින් එවැනි දේවල් රටක් ඇතුළේ සිද්ධ වීම සඳහා අධ්යාපනය විසින් කරන්න ඕනෙ වැටවල් බඳින එක. මෙතැනදී අපි කොයිම විදිහකටවත් කියන්නේ නැහැ ලිංගිකත්වය කියලා කියන්නේ කාන්තාවක් සහ පිරිමියෙක් අතර සිද්ධ වෙන දෙයක් විය යුතුමයි කියලා. අපි කිසිම හේතුවකින් පිරිමි පිරිමි අතර තියෙන ලිංගික සම්බන්ධතා හෝ කාන්තාවන් කාන්තාවන් සමග තියෙන ලිංගික සම්බන්ධතා හෝ එවැනි රුචිකම් පිළිබඳ ප්රශ්න කරන්නේ නැහැ.
නමුත් රුචිකමක් නොමැතිව අකැමැත්තෙන් යම් කිසිවෙක් කුමන හෝ ලිංගික කාර්යයකට යොදා ගන්නවා නම් එය බරපතළ තත්ත්වයක්. මෙහි තියෙන බරපතළකම වෙන්නේ දරුවන්ව මේ සඳහා යොදාගැනීම. ඒ දරුවාගේ වයස, ඒ දරුවාගේ ස්ත්රී පුරුෂභාවය, ඒ දරුවාගේ තරාතිරම මේ කිසි දෙයක් වැදගත් නැහැ. ප්රශ්නේ තියෙන්නේ දරුවන්ව මේ සඳහා යොදාගැනීම. දරුවන් යොදාගැනීම සඳහා දරුවන් ඒ සඳහා උනන්දු වෙන ආකාරයේ පරිසරයක් නිර්මාණය කරනවා නම් කිසිවෙක්, මෙවැනි අවස්ථාවලදී අප ඔවුන්ටත් එරෙහි විය යුතුයි, විරුද්ධ විය යුතුයි, හඬ නැගිය යුතුයි ඔවුන්ට එරෙහිව.
ජීවන පහන් තිළිණ
