ජනාධිපතිවරයා විසින් ඊයේ මධ්යම රාත්රියේ සිට බලපැවැත්වෙන පරිදි පාර්ලිමේන්තුවේ වාර අවසාන කිරීම පසුපස පාර්ලිමේන්තු කමිටු කිහිපයක සභාපතිවරුන් ඉවත් කිරීමේ අරමුණක් පවතින බව දේශපාලන ආරංචිමාර්ග සදහන් කරයි.
එම ආරංචි මාර්ග පෙන්වා දෙන්නේ පාර්ලිමේන්තු පොදු ව්යාපාර පිළිබඳ කාරක සභාවේ (කෝප්) සභාපති මහාචාර්ය චරිත හේරත්, රජයේ මුදල් පිළිබඳ කාරක සභාවේ සභාපති, හිටපු අමාත්ය අනුර ප්රියදර්ශන යාපා සහ රජයේ ගිණුම් පිළිබඳ කාරක සභාවේ (කෝපා) සභාපති, හිටපු අමාත්ය මහාචාර්ය තිස්ස විතාරණ අදාල කමිටුවල සභාපති ධුරවලින් ඉවත් කිරීමේ අරමුණක් මෙම පාර්ලිමේන්තුව කල් තැබීම පසුපස ඇති බවකි.
මීට අමතරව ලබන 18 වැනි දින පාර්ලිමේන්තුව යළි ආරම්භ කිරීමෙන් පසු මෙම තනතුරුවලට ආණ්ඩුවට එරෙහිව අදහස් දක්වන ආණ්ඩු පක්ෂයේ කිසිදු හවුල්කාර පක්ෂයක සාමාජිකයන් පත් නොකිරීමටත්, අවම වශයෙන් එහි සාමාජිකත්වයට පවා නම් නොකිරීමටත් තීරණයක් ගෙන ඇති බව එම ආරංචි මාර්ග වැඩි දුරටත් සදහන් කරයි.
ඒ අනුව අදාළ සාමාජිකයන් සම්පූර්ණයෙන්ම පොහොට්ටුවේ මන්ත්රීවරුන්ගෙන් පුරවාලීමට ආණ්ඩුව සැලසුම් කර ඇති බවද දැනගන්නට ඇත.
