දැන් පවතින දේශපාලන සහ ආර්ථික අස්ථාවරත්වය හේතුවෙන් ශ්රී ලංකාවට අත්යවශ්ය සංචාර හැර ලංකාවේ සංචාරය නොකරන ලෙස එක්සත් රාජධානියේ විදේශ, පොදුරාජ්ය මණ්ඩලීය සහ සංවර්ධන කාර්යාලය (FCDO) එරට වැසියන්ට නිවේදනය කොට ඇත.
කොළඹ ගාලු මුවදොර ප්රදේශය ඇතුළුව සාමකාමී විරෝධතාකරුවන්ට එරෙහිව ප්රචණ්ඩ ක්රියා සම්බන්ධ සිදුවීම් කිහිපයක් මැයි 9 වන දින සිදු වූ අතර එහිදී ආරක්ෂක බලධාරීන් කඳුළු ගෑස් සහ ජල ප්රහාර භාවිතා කළහ. කොළඹ බේරේ වැව ආශ්රිතව ද, මහනුවර සහ දිවයිනේ අනෙකුත් ප්රදේශවල ද තුවාල හා ජීවිත අහිමිවීම් සිදු විය. තවත් සිදුවීම් සිදු විය හැකිය.
ඔබ මේ මොහොතේ ශ්රී ලංකාවේ සිටින්නේ නම් හෝ සංචාරය කිරීමට අදහස් කරන්නේ නම්, ඔබ සියලු විරෝධතාවලින් වැළකී දේශීය ආයතනවල උපදෙස් පිළිපැදිය යුතුය.
ආනයනය සඳහා ගෙවීමට අපහසු මුදල් හිඟයක් හේතුවෙන් ඖෂධ, පිසින ගෑස්, ඉන්ධන සහ ආහාර ඇතුළු මූලික අවශ්යතා හිඟයක් ඇතිව ශ්රී ලංකාවේ ආර්ථික තත්ත්වය පිරිහෙමින් පවතී. වෙළඳසැල් සහ සුපිරි වෙළඳසැල්, ඉන්ධන පිරවුම්හල් සහ ෆාමසිවල දිගු පෝලිම් තිබිය හැක. විදුලිය සලාකනය හේතුවෙන් දෛනිකව විදුලිය විසන්ධි වෙමින් පවතී.
2022 මාර්තු 31 දින සිට විරෝධතා ගණනාවක් පැවතුනි. දිවයින පුරා තවත් විරෝධතා පැවැත්වීමට ඉඩ ඇත. ශ්රී ලංකා රජය කෙටි දැනුම්දීමකින් දේශීය සීමා පැනවිය හැක. ඔබ සුපරීක්ෂාකාරී විය යුතුය, පෙළපාලි හෝ විශාල රැස්වීම්වලින් වළකින්න, දේශීය ආයතනවල උපදෙස් පිළිපදින්න.
