විභාග දේපාර්තමේන්තුව විසින් රුපියල් පනස් හතර කෝටි ,හැට දෙලක්ෂ, හැට හතර දහස්, හාරසිය පනස් දෙකක (546,264,452) වියදමක් දරා ප්රශ්න පත්ර මුද්රණය කිරිම සඳහා මිලදිගනු ලැබු වෙබ් ඩිජිටල් ප්රින්ටර් යන්ත්රය උපයෝගි කරගෙන ඉකුත් වර්ෂයේ දි (2022) මුද්රණය කොට ඇත්තේ සමස්ත ප්රශ්නපත්ර සංඛ්යාවෙන් සියයට 3.5ක් බැව් ජාතික විගණන කාර්යාලය පවසයි. (Sri Lanka Latest News)
විභාග දේපාර්තමේන්තුව විසින් 2022 වර්ෂයේ පවත්වනු ලැබු විභාග සදහා දෙපාර්තමේන්තුව සතු යන්ත්ර 10ක් භාවිතා කරමින් ප්රශ්නපත්ර එක්කෝටි, අනු පන් ලක්ෂ, හැත්තෑ එක් දහස්, අටසිය පනස් දෙකක් (19,571,852) මුද්රණය කරතිබුණි. එහෙත් මෙකි මුද්රණය යන්ත්රය උපයෝගිකරගෙන මුද්රණය කොට ඇත්තේ ප්රශ්න පත්ර 6 90,125කි.
එමෙන්ම ප්රශ්න පත්රවල රහස්ය භාවය ආරක්ෂා කිරීම සඳහා රුපියල් අසු හතර ලක්ෂ, විසිඅට දහස්, හයසිය තිස් හතක් (84,28,637) විටනා වෙබ් ඩිජිටල් මුද්රණ යන්ත්ර යේ (wrappimg solution) කොටස 2018 වර්ෂයේ දි මිලදිගෙන තිබුනද මිලදිගත් දින සිට කිසිදු ප්රයෝජනයක් නොගෙන නිශ්කාර්යව පැවති බවද විගණනය මගින් අනාවරණය කොට ඇත.
වත්කම් මිලදි ගැනිමේ දි දෙපාර්තමේන්තුවේ අවශ්යතාවය හදුනාගත යුතු අතර වත්කම් මිලදි ගැනිමෙන් පසු අපේක්ෂා කරන ලද ධාරිතාවය ලබා ගැනිම සඳහා අවශ්ය කඩිනම් පියවර ගතයුතු බවද විගණනය මගින් නිර්දේශකොට ඇත.
lankasara
