ප්රකට වෙළෙද සන්නාමයක් වන කිරිබත්ගොඩ තිලකවර්ධන ටෙක්ස්ටයිල් ආයතනය විසින් සිය වෙළෙද නාමයට සමාන නාමයක් සහිතව ආරම්භ කළ සමාගම් 3කට එරෙහිව කොළඹ වාණිජ මහාධිකරණයේ පැවරූ නඩුවකින් ජයග්රහණය කොට තිබේ.
තිලකවර්ධන ටෙක්ස්ටයිල් අධිපති සුනිල් තිලකවර්ධන මහතා ඇතුලු අධ්යක්ෂ මණ්ඩලය විසින් මෙසේ නඩු පවරා ඇත්තේ තිලකවර්ධන සෝලර් පවර් සොලූෂන්, ටීසි තිලකවර්ධන ගෲප් ලිමිටඩ් සහ තිලකවර්ධන කන්ස්ට්රක්ෂන් සමාගම්වලට එරෙහිවය.
ඒ අනුව අධිකරණය තීන්දු කොට ඇත්තේ එසේ තිලකවර්ධන නාමය තනිව භාවිත කළ නොහැකි බවකි.
ඒ අනුව තිලකවර්ධන සෝලර් පවර් සොලූෂන්, ටීසි තිලකවර්ධන ගෲප් ලිමිටඩ් සහ තිලකවර්ධන කන්ස්ට්රක්ෂන් යන සමාගම් මින් ඉදිරියට කැකිරාව ටීසී තිලකවර්ධන සෝලර් පවර් සොලූෂන්, කැකිරාව ටීසි තිලකවර්ධන ගෲප් ලිමිටඩ් සහ කැකිරාව ටීසී තිලකවර්ධන කන්ස්ට්රක්ෂන් භාවිත කිරීමට අධිකරණය හමුවේ ප්රතිඥා දී ඇත.
