වතු කම්කරුවන්ගේ දරුවන් මින් ඉදිරියට මෙහෙකාර සේවයේ යෙදවිමට කිසිවකුට නොහැකි වන සේ කම්කරු අඥා පනත ශක්තිමත් කිරිමට මේ වන විට සාකච්ඡා කරමින් සිටින බව ලංකා කම්කරු කොන්ග්රසයේ මහ ලේකම් සහ වතු යටිතල පහසුකම් රාජ්ය අමාත්ය ජිවන් තොණ්ඩමන් මහතා පවසයි.
‘අපේ රටේ කම්කරු ආඥා පනත අවු 100 කට වඩා පැරණි.බාල වයස්කාර ළමයකු මෙහෙකාර සේවයේ යොදවන මව්පියන්ට දඩුවම් ලබාදිය හැකි සේ නව පනත් ගෙන්න අපි සැලසුම් කරලා තියෙන්නේ. මින් ඉදිරියට වතුකරයෙන් මෙහෙකාර සේවයට ළමුන් ගෙනියන්න කාටවත් බැ. වතු කම්කරුවන්ගේ පවුල්වල අර්ථික ගැටලු තියෙනවා කියලා මම පිළිගන්නවා,ඒකට විසදුම ළමුන් මෙහෙකාර සේවයේ යෙදවිම නෙවෙයි. ඉෂාලිනිගේ මරණය සම්බන්ධයෙන් සිදු කරන පොලිස් විමර්ශන කටයුතු විධිමත් කරන්න කියලා අද සියලු දෙනා එකතු වෙලා බලපැම් කරනවා.ඒක හොද දෙයක්. නමුත් ඇතැම් අය මේ සිද්ධිය දේශපාලන වාසියක් කරගන්න උත්සහ කරනවා. වතුකරයේ ළමුන්ගේ අධ්යාපන මට්ටම ඉහළ දාන්න අපි මේ වන විට වැඩපිළිවෙළ රාශියක් ආරම්භ කරලා තියෙනවා.’
මිය ගිය ඉෂාලිනිගේ මරණය සම්බන්ධයෙන් පොලිසිය සිදු කරනු ලබන විමර්ෂණ කටයුතු සම්බන්ධව තමන් සැහිමකට පත්වන බව ද ඔහු පවසයි.
