දස වැනි පාර්ලිමේන්තුවේ ආරම්භක උත්සවය ත්රිවිධ හමුදා උත්තමාචාර, උත්තමාචාර වෙඩිමුර සමග ජයමංගල ගාථා වලින් තොරව ඉතා චාම් අයුරින් පැවැත්වීමට කටයුතු කර ඇති බව පාර්ලිමේන්තු ආරංචි මාර්ග පවසනවා.Sri Lanka Latest News
පාර්ලිමේන්තු මහ ලේකම් කුෂානි රෝහණදීර සඳහන් කළේ ආරම්භක උත්සවය ඉතා චාම් ආකරයෙන් පැවැත්වීමට තමාට උපදෙස් ලැබී ඇති බවයි.
නව පාර්ලිමේන්තුව උත්සවාකාරයෙන් විවෘත කිරීමකදී ත්රිවිධ හමුදා උත්තමාචාර, උත්තමාචාර වෙඩිමුර සමග ජයමංගල ගාථා ගැයීම සම්ප්රදාය වන නමුත්, මෙවර එවැනි උත්සව කිසිවක් සිදු නොවන බවයි ඇය පවසන්නේ.
ඒ අනුව ජනාධිපතිවරයා පාර්ලිමේන්තුව පැමිණි පසු පැළඳුම් කාමරයට කෙලින්ම කැඳවාගෙන යාමට නියමිත බවයි ඇය ප්රකාශ කළේ.
විනාඩි කිහිපයක් එහි අසුන් ගැනීමෙන් පසු පාර්ලිමේන්තුවේ බෙදුම් සීනුව නාද කිරීමෙන් අනතුරුව, පැළඳුම් කාමරයේ සිට ජනාධිපතිවරයා සභා ගර්භය කරා කැඳවාගෙන යන බව පාර්ලිමේන්තු මහ ලේකම්වරිය වැඩිදුරටත් ප්රකාශ කළා.
