අපි නව ලෝකෙට යනවා නම් ඒ කොයි විදියකින් හරි ලොකු දෙයක්. ඉස්සර අපේ නම ගියේ මානව හිමිකම් උල්ලංඝනය කිරීමෙන්, හොරකම් වංචා, පැනමා පත්රිකා වගේ ඒවායින්. හැබැයි මේ වනවිට අපට ආඩම්බරයෙන් සමරන්න පුළුවන් අපේ නම ලෝකෙට ගියපු තැන්. අවුරුදු 17ක ඉතාලියේ හිටපු පොඩි කොල්ලෙක් ඉතාලි ෆෝමියුලා ධාවන පථයේදී වාර්තා පිට වාර්තා තියන්නේ ජාතික කොඩියත් උස්සගෙන ගිහිල්ලා. ජාතික ගීය ඇහෙද්දී සිංහ කොඩිය අරගෙන එන මේ අපේ කොල්ලා කප් එක ගන්න වීඩියෝ එක අපි හරිම ගැම්මෙන් බැලුවා. හරිම ආඩම්බරෙන් අපි ඒක බැලුවා. මොකද අපේ එකෙක් ලෝකේ කොහේ හරි ගිහිල්ලා ලොකු තැනක අපේ ජාතික ගීය කියලා කොඩිය වනනවා බලන්න අපි ආසයි. ඇත්තටම අපේ ක්රීඩාව දැන් වැටිලා විනාශ වෙලා තියෙන මොහොතක මේ විදියට මොනවා හරි ක්රීඩාවකින් නැගිටිනවා නම් නියමයි. (Sri Lanka Latest News)
මෝටර් රථ සම්බන්ධයෙන් මෙච්චර කල් ඇහුවේ ඩිලන්ත මාලගමුවගේ නම විතරයි. දැන් මේ අහන්න යන්නේ ඊට වැඩිය වෙනස් නමක්. ඔහු තමයි යොවාන් ඩේවිඩ්. ඉතාලියේ පැවැති යූරෝ ෆෝමියුලා විවෘත මෝටර් රථ ධාවන තරගාවලියේදී තමයි ඔහු මේ ජයග්රහණය ලබාගන්නේ. අටවැනි අදියරේදී ඔහු ජයග්රාහකයා බවට පත්වෙනවා. ශ්රී ලංකා මෝටර් රථ ධාවකයෙක් ප්රධාන පෙළේ මෝටර් රථ ධාවන තරගාවලියකට සහභාගි වූ ප්රථම අවස්ථාව මේක. යූරෝ ෆෝමියුලා විවෘත මෝටර් රථ ධාවන තරගාවලියේ 8 වැනි අදියර ඉතාලියේ මොන්සා ධාවන පථයේදී පැවැත්වුණා. එහිදී යුවාන් ඒකට සහභාගි වුණා. තවම 17 හැවිරිදි වියේ පසුවන යොවාන් සිය මංගල තරගයේදී පළපුරුදු ධාවකයන් සමග ධාවන පථයට පිවිස තරග ආරම්භයේ සිට දැක්වූ දක්ෂතාව විස්තර විචාරකයන් පවා ඇගයීමට ලක්කළා.
යොවාන් එම තරගයේදී නියෝජනය කළේ ජර්මනියේ මෝටර් පාක් කියන කණ්ඩායම. මොන්සා ධාවනය පථයේ වට 16කින් පැවැති තරගය මිනිත්තු 30යි තත්පර 13කින් නිමා කරන්න යොවාන්ට පුළුවන් වෙනවා. එහෙම නිමා කරලා ෆෝමියුලා විවෘත මෝටර් රථ ධාවන තරගයේ 8 වැනි අදියර ජය ගන්නේ යොවාන්. ඒ ජයග්රහණය ශ්රී ලංකා මෝටර් රථ ධාවන ඉතිහාසයේ ක්රීඩකයෙක් ලැබූ ඉහළම ජයග්රහණයන් අතරින් එකක් බව තමයි මේ පිළිබඳ දන්නා අය කියන්නේ.
යොවාන්ගේ ජයග්රහණය තවදුරටත් වර්ධනය කරන අතරතුරේදී අපිට හම්බවෙනවා ලංකාවේ නම ලෝකෙට ගෙනගිය තවත් එක තැනක්. ඒක නම් ටිකක් වෙනස් කතන්දරයක්. ඒ තමයි අපේ රටේ EGB ලෝකෙට ගිහිල්ලා ලෝකේ මිනිස්සු EGB ගැන කතාකරපු අවස්ථාවක්. අපි හොඳාකාරවම දන්නවා EGB කියලා කියන්නේ 100%ක් ශ්රී ලාංකීය ප්රඩක්ට් එකක්. ශ්රී ලාංකීය දෙයක්. අන්තර්ගතයන් පවා මේවායේ ඉතාම ගුණාත්මක මට්ටමක තියෙනවා. එහෙම තියෙද්දිත් මේ විදියේ ජයග්රහණයක් ලැබීම ශ්රී ලංකාව ලබන ලොකු ජයග්රහණයක්. ඒ අස්සේ අපේ රටේ නම ලෝකෙට අරගෙන යන තව වැඩක් තමයි Spider-Man තරුවක් වන Andrew Garfield ජනප්රිය යූටියුබ් වැඩසටහනකදී ශ්රී ලංකාවේ EGB එකක් බොන කතන්දරය. Chicken Shop Date ගේ නවතම කතාංගයේ සත්කාරක Amelia Dimoldenberg, Spider-Man ලෙස වඩාත් ප්රසිද්ධ Andrew Garfield සමග පැවැති සම්මුඛ සාකච්ඡාවේදී තමයි මේ EGB ගැන කියැවෙන්නේ. කොහොම වුණත් මේ ‘එලිෆන්ට් හවුස්’ නාමය ලෝකෙට ගියපු තැනක්. අපේ බීමක් ගැන ඒගොල්ලෝ එළිපිට කතා කරනවා. මේක අපේ අනන්යතාවක් සහිත බීමක්.
ඇත්තටම මේ වගේ බීම වර්ග, මේ වගේ පාන වර්ග, මේ වගේ ආහාර වර්ග අපේ අනන්යතාව සහිතව ලෝකෙට ඉදිරිපත් කළ යුතු කාලයක් උදාවෙලා තියෙන බව දැන් අපිට බොහොම පැහැදිලියි. අපේ ක්රීඩකයෝ, අපේ ශිල්පීන්, අපේ ඉදිරිපත් කරන්නන්, අපේ රටේ උගතුන් මේ මොහොත වෙනකොට ලෝකේ පුරා කොහේ හරි තැනක ඉඳලා දස්කම් දක්වනවා නම් අපේ සිංහ ධජය යටතේ අපේ අනන්යතාව සහිතව සහභාගි වීමට ලබාදුන්නු අවස්ථාව ඉතාම ගෞරවනීයයි. ඉතින් ඉදිරි කාලයේදිත් අපේ නම ලෝකෙට අරගෙන යන්න බොහෝ දෙනෙක්ට හැකියාව ශක්තිය ධෛර්යය ලැබේවා කියලා අපි අවසාන වශයෙන් ප්රාර්ථනා කරනවා.
ජීවන පහන් තිළිණ
