ලාංකිකයන්ගේ ක්රිකට් මහගෙදර හෙවත් ඛෙත්තාරාම ක්රීඩාංගණය (R.Premadasa Stadium) ඉදිකිරීමේ අපූරු කතා පුවත පිළිබඳ අද නවක පරපුර දැනුවත් කිරීම වැදගත් යැයි මා විශ්වාස කරමි. 1985 වර්ෂයේදී එවක අගමැතිවරයාව සිටි රණසිංහ ප්රේමදාස මහතා නිල සංචාරයක් සඳහා ඔස්ටේ්රලියාව බලා ගමන් ගන්නා අතර එහිදී එතුමාට ‘පර්ත්’ ක්රීඩාංගණයේ පැවැති දිවා රාත්රී ක්රිකට් තරගයක් නැරඹීමේ අවස්ථාව හිමිවෙනවා.
එහිදී තමන්ගේ රටේත් මෙවැනි ක්රීඩාංගණයක් ඉදිකිරීම සඳහා ඔහුට දැඩි ආශාවක් ඇතිවූ අතර ඔහු ලංකාවට පැමිණි වහාම ඉංජිනේරු සංස්ථාවේ එවක සිටි ප්රධාන ඉංජිනේරුවරයා කැඳවා ‘අපිට රෑට බෝල ගහන්න පිට්ටනියක් හදන්න පුළුවන්දැ’යි විමසා සිටිනවා. එහිදී ඔහු වික්ෂිප්ත වී ටික වේලාවක් බලා සිට ‘පුළුවන් සර්’ යැයි පිළිතුරු ලබාදෙනවා. ඒ ඔහුට පුළුවන් නිසා නොව, තමාගේ රැකියාවට ඇති ආදරය හේතුවෙන්. මොකද ප්රේමදාස මහතා තුළ ‘නැහැ’, ‘බැහැ’ කියන වචන ඇසීමට ඇති අකැමැති බව ඔහු දැන සිටියා. ඉන් පසුව ප්රධාන ඉංජිනේරුවරයාට ප්රේමදාස අගමැතිවරයා ‘මම ඔයාට මාස 6ක් දෙන්නම් මේක හදන්න’ යැයි පවසා සිටිනවා. ප්රධාන ඉංජිනේරුවරයා කරකියා ගැනීමට දෙයක් නොමැතිව එම ස්ථානයෙන් පිටව යනවා.
ප්රේමදාස අගමැතිවරයා අවශ්ය මුදල් සියල්ලම ඉංජිනේරු සංස්ථාවට ලබාදෙනවා. මෙහිදී මාස 4ක කාලයක් තුළ ඔවුන් විදුලි ආලෝක කුලුනු හැර අනෙකුත් ඉදිකිරීම් සිදුකරනු ලබනවා. මෙම ක්රීඩාංගණය ඉදිකිරීමේ කාලය තුළ බොහෝ වතාවක් අගමැතිවරයා එය නිරීක්ෂණය කිරීම සඳහා පැමිණෙනවා. ක්රීඩා භූමිය නිර්මාණය කිරීමෙන් පසුව අගමැතිවරයා ඉංජිනේරු සංස්ථාවෙන් අසා සිටින්නේ ‘ඔබට මාගෙන් තවදුරටත් අවශ්ය වන්නේ කුමක්ද?’ යන්නයි. එහිදී ඔවුන් පවාසා සිටින්නේ මෙම ක්රීඩාංගණයට විදුලි බුබුළු සවිකිරීම සම්බන්ධයෙන් ඔවුන්ට දැනුමක් නොමැති බවයි. එය විමසීමෙන් පසුව අගමැතිවරයා සංස්ථාවේ ඉංජිනේරුවන් ඔස්ටේ්රලියාව බලා පිටත් කර යවන්නේ විදුලි බුබුළු දැමීම සඳහා අවශ්ය දැනුම හා තාක්ෂණය ලබාගැනීම සඳහායි.
ඔවුන් පර්ත් ක්රීඩාංගණය ඉදිකළ ඉංජිනේරුවන් හා ක්රීඩාංගණය භාර ප්රධාන නිලධාරියාද හමුවෙනවා. එහිදී ඔවුන් අවශ්ය තාක්ෂණය ලබාදෙන අතර ඔවුන් විමසා සිටිනවා ‘මේ දේවල් කරන්න ඔයාලට කොච්චර කල් තියෙනවාද’ යනුවෙන්.
එහිදී අප ඉංජිනේරුවන් පවසා සිටින්නේ ‘තව මාස 3ක් විතරයි’ කියායි. එසේ කියූ සැණින් ඔවුන් සිනාසී ‘අපිට මේකෙ බල්බ් දාන්න අවුරුද්දකට වැඩියෙන් ගියා. ඕක කරන්න පුළුවන් දෙයක් නෙවෙයි’ යනුවෙන් පවසා සිටිනවා. අනතුරුව ඔවුන් ලංකාවට පැමිණීමෙන් පසු මාසයක් තුළ අවශ්ය උපකරණ සියල්ල ලබාගන්නා අතර තවත් මාසයක කාලයක් සඳහා කල් ලබා ගැනීමට අගමැතිවරයා අවස්ථාව ලබා දෙනවා.
පසුව ඔවුන් මාස 3ක කාලය තුළ විදුලි බුබුළු සවිකිරීමට සමත් වෙනවා. නමුත් එම විදුලි ආලෝකය තුළ තරග ක්රීඩා කළ හැකි වුවත් කැමරා කිරීම සඳහා එම එළිය ප්රමාණවත් වන්නේ නැහැ. ඉන් පසුව ඔවුන් මේ පිළිබඳ අගමැතිවරයා දැනුවත් කරනවා. එහිදී අගමැතිවරයා විමසන්නේ දැන් කුමක් සිදුකළ යුතුද යන්නයි. එහිදී ඉංජිනේරුවරුන් මේ පිළිබඳ තව දුරටත් සොයා බැලීමෙන් පසුව මෙම විදුලි බුබුළුවලට වඩා දීප්තියෙන් ඉහළ විදුලි බුබුළු ගෙන්වා ගැනීමට සමත් වන අතර පැරණි විදුලි බුබුළු නැවත හරවා යැවීමට කටයුතු කරනවා.
මෙය ඉදිකිරීමෙන් පසුව විවෘත කිරීමේ උළෙල සඳහා පර්ත් ක්රීඩාංගණය භාර නිලධාරියාටද ආරාධනා කරනු ලබනවා. එහිදී ඔහු ක්රීඩාංගණය දැක විස්මයට පත්වන අතර ‘මෙම ක්රීඩාංගණයේ තත්ත්වය පර්ත් ක්රීඩාංගණයටත් වඩා හොඳයි’ යනුවෙන් පවසා සටහනක් ද තබනු ලබනවා.
එවක ඉංජිනේරු සංස්ථාව වැනි දේශීය ආයතන කාර්යක්ෂමව යොදාගන්නේ කෙසේදැයි රණසිංහ ප්රේමදාස මහතා පෙන්නුම් කළා. මෙම ක්රීඩාංගණය ‘ඛෙත්තාරාම ක්රීඩාංගණය’ ලෙස නම්කරනු ලැබුවා. ප්රේමදාස මහතාගේ අභාවයෙන් පසු මෙම ක්රීඩාංගනය ආර්. ප්රේමදාස අන්තර්ජාතික ක්රිකට් ක්රීඩාංගණය ලෙස නම්කරනු ලැබුවා.
දැනට වසර කිහිපයකට පෙර ‘දොරමඩලාව’ රූපවාහිනී වැඩසටහනට පැමිණි එවක රාජ්ය ඉංජිනේරු සංස්ථාවේ ප්රධාන ඉංජිනේරුවරයාගේ ප්රකාශය ඇසුරෙන් මෙම ලිපිය ලියන ලදී.
සුදේශ් කරුණාතිලක
