ලංකාව කියලා කියන්නේ ප්රධාන වශයෙන් ආදායම් මාර්ග දෙකකින් සල්ලි හොයන කණ්ඩායමක්. එකක් තමයි සංචාරක කර්මාන්තය. අනික තමයි අපි පිටරටවලට ගිහිල්ලා අපේ රටේ මිනිස්සු අපිට එවන කීයක් හරි. මේ දෙකෙන්ම අපි සල්ලි හොයනවා. මේ දෙකටම අපිට බොහොම පරිස්සමට වැඩ කරන්නත් වෙනවා.Sri Lanka Latest News
දැන් ලංකාවට එන සුද්දන්ට සුද්දියන්ට අපේ රටේ ඩයල් එකක් ඌගේ අහවල් එක පෙන්නනවා. ඒක ඒ සුද්දි වීඩියෝ කරලා. මේකේ අරුමය කියන්නේ මේකා ඇඳගෙන ඉන්න ටී ෂර්ට් එකේ ජාතික කොඩියක් තියෙනවා. දැන් එතකොට මේකගේ ජාතිකත්වය පිළිබඳ, රට සම්බන්ධව ආයේ තර්ක විතර්ක මුකුත් නෑ. වෙන මොකක් හරි ඇඳන් හිටියා නම් මේක ඉන්දියන්කාරයෙක් හරි වෙන කොහේ හරි එකෙක් හරි කියලා මොකක් හරි කරලා පොඩ්ඩක් වැඩේ බේරගන්න හරි තිබුණා. හැබැයි එහෙම නෑනේ. ඉතින් මේකාගේ රහසඟ පෙන්වීමේ වීඩියෝව මේ වෙනකොටත් මුළු ලෝකයේම යන්න පටන් අරගෙන. රජය මැදිහත් වෙලා මේ යකාව දැන් අත්අඩංගුවටත් අරගෙන ඉවරයි. අවශ්ය පියවර සියල්ල අරගෙන තියෙන්නේ. ඇත්තටම ඉතින් මේ වගේ භූතයෝ ලංකාවේ හරි කොහේ හරි තැනක ඉඳන් නිකන් උන්ගේ කලිසමේ සිප් එක අරින එක නවත්තන්න රජයට නිලධාරී පත්කරන්න බෑ එක එකා ගාවට. ඒ වුණාට ඉතින් මේ වගේ බූරුවෝ දැනගන්න ඕනේ ලංකාවේ මිනිස්සු ටුවරිසම්වලින් තමා හම්බ කරගෙන කන්නේ. ඉතින් එහෙම හම්බ කරගෙන කන අපිට මේ වගේ ගොන් පාට්වලින්, මේ වගේ බූරු වැඩවලින් වෙන්නේ ලොකු හානියක් කියන එක. මේකා කොහෙද මම දන්නේ නෑ ගිහිල්ලා තට්ටෙ එහෙම ගාලා ඉන්නකොට පොලිසියෙන් හොයාගෙන දැන් අත්අඩංගුවට අරගෙන ඉවරයි.
ඒත් එක්කම එංගලන්තයේ තව එකෙක්. ෆේස්බුක් පේජස් සහ ගෲප් 128ක් විතර හදාගෙන සංක්රමණික විරෝධී ඉස්ලාම් භීතිකාවක් ඇති කරන්න උත්සාහ කරලා තියෙනවා. එංගලන්තය වගේ රටවල් මේ වගේ ප්රශ්නවලදී බොහොම සංවේදී. මොකද ඒකට හේතුව, රට ඇතුළේ අනවශ්ය ප්රශ්නයක් ඇති කරන්න හදන එකෙක් ඉන්නවා නම් ඌගේ ජාතිකත්වය, ජම්මේ ඉඳලාම ඒකව පිටකරලා දාන එක තමයි කරන්නේ. ලෝකේ ගොඩක් රටවල් ශ්රී ලාංකිකයෝ තමන්ගේ රටට සංක්රමණික විදිහට, සරණාගතයෝ විදිහට ගෙන්න ගන්න අකැමැති වෙන්නෙත් මේ ප්රශ්නේ හින්දම තමයි. මේකගේ ගෲප්වල මිලියන 1.6ක විතර ප්රමාණයක් අනුගාමිකයෝ ඉන්නවලු. ඉතින් මේ ඉස්ලාම් භීතිකාවත් එක්ක ආයෙත් ලංකාවේ නම ගෑවිලා.
එතකොට ලංකාවේ නම එක එක ගොන් වැඩවලට ගාවගෙන, සම්බන්ධ කරගෙන, ලංකාවේ මිනිහෙක්ට පිටරටකට ගිහිල්ලා නිදහසේ කාලා ඇඳලා ඉන්න තියෙන අවස්ථාව පවා නැති කරලා දාන්න මේ බූරුවෝ වැඩ කරද්දී ඇත්තටම අපිට වෙන්නේ ඊළඟට පිටරටකටවත් නොගිහින් ඉන්න. මේ සම්බන්ධව ලෝකේ ශ්රී ලාංකිකයාගේ නම ගම එක්ක පළවෙච්ච ලිපි පවා අපි දැක්කා. උගේ නම ගමත් එක්කම, ගීත් සූරියපුර කියලා සඳහන් වෙලා තියෙනවා. අපි දන්නේ නෑ මේකේ Facebook Ads King කියන නමින් තමයි The Sunday Times එකේ පළකරලා තියෙන්නේ, Sri Lankan influencer targets UK anti-migrant Facebook pages for revenue කියන නමින් ඔවුන් ඒ ගැන කියලා තියෙනවා. මේ සම්බන්ධව බොහොම නරක ප්රතිචාරයක් තමයි ලෝකයේ අපි දකින්නේ. අපි දන්නේ නෑ ඒක ඔහු මොන පරමාර්ථයෙන් කරපු දෙයක්ද කියලා.
එතකොට මේ පුද්ගලයාගේ මේ කටයුත්තේ වැරැද්දක් ඇත්තටම තියෙනවද කියලත් අපි දන්නේ නෑ. නමුත් ඇත්තටම මේ සූරි කියන කෙනාගේ වැඩෙත් එක්ක ගත්තට පස්සේ අපේ රටේ රහසඟ පෙන්වීමේ ක්රියාව තියෙන්නේ අහසයි පොළොවයි වගේ. රහසඟ පෙන්වීමේ ක්රියාව තරම් පහත් නෑ පළමුවැනි පුද්ගලයාගේ ක්රියාව. ඔහු කරලා තියෙන්නේ කල්පනා නොකර කරපු දෙයක් කියලා තමයි අපිට හිතෙන්නේ. හැබැයි මේ දෙවැනි පුද්ගලයා නම් කරලා තියෙන්නේ මහා තක්කඩි සහ බලු වැඩක්. ඒ වගේම ලෝකේ ඉස්සරහා අපි ඔක්කොගෙම නිරුවත පෙන්නුවා වගේ වැඩක්. දැන් මේක මුළු ලෝකෙම හෝ ගාලා ප්රචාරය වෙන තැනට පත්වෙලා තියෙනවා, ලංකාවට යන්න එපා, අසහනකාරයො ඉන්නේ, කුපාඩි ඉන්නේ, වනචරයෝ ඉන්නේ කියලා. මේක රටට හොඳ නෑ. සංචාරක කර්මාන්තයෙන් දියුණු වෙන රටකට කොහොමත් හොඳ නෑ.
සංචාරක කර්මාන්තයට සම්බන්ධ අයට විශේෂයෙන්ම මේ විනය ගැන කියලා දෙන්න ඕනේ. බොහෝ වෙලාවට මේ සංචාරක කර්මාන්තයට සම්බන්ධ පුද්ගලයෝ තමයි මේ වගේ ප්රශ්නවලදී ගොඩක් නරක විදිහට හැසිරෙන්නේ. අපි දැකලා තියෙනවා වැල්ලේ ගහගන්නවා, රණ්ඩු වෙනවා, සුද්දන්ට සුද්දියන්ට තර්ජනය කරනවා. තමන්ගේ වාහනේ යන එන අයත් එක්ක ගැටුම් ඇති කරගන්නවා. තමන්ගේ වාහනේට නැග්ගේ නැත්තම් වෙන වාහනේකට නගිද්දී රණ්ඩු වෙනවා. ත්රීවීල් පාර්ක්වල ප්රශ්න තියෙනවා. මේ ඔක්කොම නැවැත්තුවේ නැත්නම් අපිට ඉතින් කාලා ඇඳලා ඉන්න නම් වෙන්නේ නෑ.
ජීවන පහන් තිළිණ
