මියන්මාරයේ පරිගණක අපරාධකරුවන් ග්රහණයේ සිටින ලාංකික තරුණයින් බේරාගැනීම සඳහා විපක්ෂයේ මන්ත්රී කණ්ඩායම ඊයේ(30) දින තායිලන්තයේ නියෝජ්ය විදේශ අමාත්යවරයා සමඟ සාකච්ඡා ආරම්භ කළේය.Sri Lanka Latest News
ශ්රී ලංකා පාර්ලිමේන්තුවේ විපක්ෂයේ මන්ත්රීවරුන් වන ජේ.සී. අලවතුවල, නීතිඥ වසන්න යාපාබණ්ඩාර සහ සුජිත් සන්ජය පෙරේරා යන මන්ත්රී කණ්ඩායම වැඩිදුර සාකච්ඡා සඳහා ඊයේ දින(30) තායිලන්තය වෙත පිටත්ව ගොස් තායිලන්තයේ නියෝජ්ය විදේශ අමාත්යතුමන් (H.E. Russ Jalichandra, Vice Foreign Minister of the Kingdom of Thailand) සමඟද සාකච්ඡා ආරම්භ කළේය. ඒ මෙම ලාංකික තරුණියන් බේරාගැනීම සඳහා මියන්මාර රජයෙන් මෙන්ම තායිලන්ත රජයෙන් යන ප්රවේශයන් ද්විත්යෙන්ම සාධණීය උත්සාහයක් ගැනීමේ අරමුණෙනි. මෙම සාකච්ඡාව සඳහා තායිලන්තයේ ශ්රි ලංකා තානාපතිතුමිය (Her Excellency Mrs. C. A. Chaminda I. Colonne) ඇතුළු නිලධාරීන් සහභාගී විය.
පරිගණක අපරාධකරුවන් භාරයේ සිටින ලාංකික තරුණයින් බේරාගැනීමට මියන්මාරයට ගිය විපක්ෂයේ මන්ත්රී කණ්ඩායම එරට නියෝජ්ය විදේශ අමාත්යවරයා සහ එරට ප්රධාන සංඝනායක ස්වාමීන් වහන්සේ සමග සාකච්ඡා ආරම්භ කරයි.
2024.05.29 එනම් ඊයේ දින ශ්රී ලංකා පාර්ලිමේන්තුවේ විපක්ෂයේ මන්ත්රීවරුන් වන ජේ.සී. අලවතුවල, නීතිඥ වසන්න යාපාබණ්ඩාර, සුජිත් සන්ජය පෙරේරා යන මන්ත්රීවරුන් මියන්මාරයේ මියාවඩි ප්රදේශයේ පරිගණක අපරාධකරුවන් විසින් බලහත්කාරයෙන් රදවාගෙන සිටින ශ්රී ලාංකික තරුණ තරුණියන් 49 දෙනා බේරාගැනීම සඳහා මියන්මාරයේ යැංගුම් නුවර සිට කිලෝමීටර් 500ක් පමණ දුරින් Nay Pyi Taw නෙපිටෝ නුවර පිහිටා ඇති එරට විදේශ අමාත්යාංශයේ දී උදෑසන 11.30 ට සාකච්ඡා ආරම්භ කළේය. ඒ සඳහා මියන්මාර අග්රාමාත්යවරයා වෙනුවෙන් එරට විදේශ නියෝජ්ය අමාත්ය H.E.U. Than Swe මැතිතුමා ඇතුළු රාජතාන්ත්රික නිලධාරීන් කණ්ඩායමක් සහභාගි විය. එහිදී ශ්රී ලංකා පාර්ලිමේන්තුවේ විපක්ෂ නායක ගරු සජිත් ප්රේමදාස මහතා විසින් විශේෂයෙන් මේ පිරිස බේරාදීමට අදාල රාජතාන්ත්රික කටයුතු කර දෙන මෙන් කරන ලද ඉල්ලීම ඇතුළත් සංදේශයක්ද භාරදෙන ලදී.
එම සාකච්ඡාවෙන් අනතුරුව නැවත යැංගුම් නුවර පිහිටි Shwe Dagon Pagoda මියන්මාර පන්සලේ වැඩවසන මියන්මාර ප්රධාන සංඝනායක ස්වාමීන් වහන්සේ වන Thanlyin Min Kyaung Sayardaw නායක ස්වාමීන් වහන්සේ සමඟ ද මෙම දරුවන් බේරා ගැනීම පිළිබඳව සාකච්ඡා ආරම්භ කළේය. එම ස්වාමීන්වහන්සේ වෙත ශ්රී ලංකාවේ ත්රෛ නිකායික මහානායක ස්වාමිපාදයන් වහන්සේලාගේ අත්සනින් යුතු, මෙම දරුවන් බේරා ගැනීම සඳහා වන විශේෂ ඉල්ලීමක් ඇතුළත් සංදේශයක් බාරදීම ද සවස 07.30 ට යැංගුම් විහාරස්ථානයේදී සිදුවිය.
