එක්සත් ජාතීන්ගේ සංවිධානයේ මහා මණ්ඩල සැසිවාරයේදී ‘ශ්රී ලංකාවේ ත්රස්තවාදී ප්රචණ්ඩත්වය නැවත සිදු නොවන බවට ජනාධිපති ගෝඨාභය රාජපක්ෂ මහතා ලබාදුන් සහතිකය සම්බන්ධයෙන් සතුටු වන බව ජනතා විමුක්ති පෙරමුණේ ප්රචාරක ලේකම් පාර්ලිමේන්තු මන්ත්රී විජිත හේරත් මහතා පැවසීය.
අද (23) පැවති මාධ්ය හමුවකට එක් වෙමින් විජිත හේරත් මහතා සඳහන් කළේ නිවැරදිව පරීක්ෂණ මගින් වින්දිතයන්ට යුක්තිය ඉටු කිරීමෙන් පමණක් නැවත මෙවැනි දෙයක් ඇතිවීම වළක්වා ගත හැකි බවයි.
ලෝකය ඉදිරියේ ජනාධිපතිවරයා ඒ සහතිකය දෙනවා නම් රට තුළ එය භාවිතාවෙන් ඔප්පු කළ යුතු බවත් ආණ්ඩුව වෙනුවෙන් පරණ යකඩ කෑලි එළියට දමා ඇති බවත් ඔහු එහිදී කියා සිටියේය.
ඔවුන් ජාතික සහ ආගමික සංහිඳියාවට බාධාකාරී ප්රකාශ කරන අතර නිව්යෝර්ක්වල කථාව සහ සමහර අය රට තුළ කරන ප්රකාශවල සම්පූර්ණ පරස්පරයක් ඇති බවද පෙන්වා දුන් මන්ත්රීවරයා එක්සත් ජාතීන්ගේ සංවිධානය තුළ දුන් සහතිකවීම් යථාර්ථයක් බවට පත්කරන්න රට තුළ ක්රියාමාර්ග ගත යුතු බවද කියා සිටියේය.
