ජනාධිපතිවරයා විසින් හදිසි නීතිය පැනවීම සම්බන්ධයෙන්ද මේ වනවිට දේශපාලන ක්ෂේත්රයේ විශාල ආන්දෝලනයක් හටගෙන තිබේ. ආපදාව සිදුවීමෙන් පැය 24ක් ඉක්ම යෑමට මත්තෙන් පළමුව මෙම ව්යසනය කළමනාකරණය කිරීම සඳහා 2005 සම්මත කරන ලද ව්යසන කළමනාකරණ පනතට අනුව හදිසි නීතිය ක්රියාත්මක කරන ලෙස ජනාධිපතිවරයාට මුලින්ම දැනුම් දී සිටියේ විපක්ෂ නායක සජිත් ප්රේමදාස මහතාය. ජනාධිපතිවරයා මුලින් මුලින් ඊට යම් අකැමැත්තක් දැක්වුවද ආපදාවේ දිග පළල වැටහීමෙන් අනතුරුව හදිසි නීතිය ප්රකාශයට පත්කිරීමට කටයුතු කොට තිබිණි. නමුත් දැන් මතුව ඇති ගැටලුව වී ඇත්තේ ජනාධිපතිවරයා මෙසේ හදිසි නීතිය පනවා ඇත්තේ ආපදා කළමනාකරණ පනත යටතේ නොව මහජන ආරක්ෂක පනත යටතේ වීම නිසාය. මේ තත්ත්වය එළියට ආවේ මහජන ආරක්ෂක නියෝජ්ය අමාත්ය සුනිල් වටගල මහතා පොලිස් ප්රධානීන් හමුවේ සිදුකරන ලද ප්රකාශයක් මුල්කරගෙනය. ජනමාධ්ය නියෝජ්ය අමාත්යවරිය වූ කෞෂල්යා ආරියරත්න මහත්මිය පසෙකින් තබාගෙන එහිදී වටගල පොලිස් ප්රධානීන්ට උපදෙස් දුන්නේ මේ වනවිට සමාජ මාධ්ය ජාලවල ජනාධිපතිවරයාගේ ක්රියාකලාපය දැඩිව විවේචනයට ලක්වන බවත්, ඒ අනුව හදිසි නීතිය යටතේ ඔවුන් අත්අඩංගුවට ගැනීමට කටයුතු කරන ලෙසත්ය. වටගල කළ මෙම ප්රකාශයට මේ වනවිට විශාල විරෝධයක් එල්ල වෙමින් පවතින අතර, එම කතාව ජාත්යන්තරය දක්වාම ගොස් ඇති ආකාරයක්ද දැකගන්නට පුළුවන.Sri Lanka Latest News
වටගලගේ මෙම ප්රකාශයේ බරපතළකම වැටහී ඇති නිසාමදෝ ජනාධිපතිවරයා අයවැය සම්මත කරගත් පසුගිය සිකුරාදා දිනයේදී පාර්ලිමේන්තුවට පැමිණ කියා සිටියේ කිසිදු මර්දනයකට හෝ ජනතාවගේ අදහස් සීමා කිරීමකට මෙම හදිසි නීතිය උපයෝගී කර නොගන්නා බවය. ජනාධිපතිවරයා එසේ පැවැසුවද වටගල කී කතාවේ යම් සත්යතාවක් තිබේ. ඒ, ජනාධිපතිවරයා ආපදා කළමනාකරණ පනත යටතේ නොමැතිව මහජන ආරක්ෂක පනත යටතේ හදිසි නීතිය පැනවීම හරහා එවැනි අත්අඩංගුවට ගැනීම් සිදුකිරීමට යම් ඉඩකඩක් මතුව තිබීම නිසාය. ඒ අනුව දැන් ප්රශ්නය වී අත්තේ ආපදා කළමනාකරණ පනතේ පැහැදිලිව සඳහන් කොට තිබියදී ඊට අනුව හදිසි නීතිය නොපනවා මහජන ආරක්ෂක පනත යටතේ හදිසි නීතිය පනවන ලෙසට ජනාධිපතිවරයාට උපදෙස් ලබාදුන්නේ කවුරුන්දැයි කියාය. ඒ අනුව බොහෝ දෙනා සැක මතුකරන්නේ සහ යම් යම් දේශපාලන කවයන්වල සාකච්ඡා වන්නේ නීති ක්ෂේත්රයට සම්බන්ධ විපක්ෂයේ නීති විශාරදයෙක් ජනාධිපතිවරයා හමුවී මෙසේ මහජන ආරක්ෂක පනත යටතේ හදිසි නීතිය පනවන ලෙසට ජනාධිපතිවරයාට උපදෙස් ලබාදුන්නා දැයි කියාය. ඒ අනුව විපක්ෂය නියෝජනය කරන මෙම නීති විශාරදයා වරින් වර ජනාධිපතිවරයා හමුවී මේ ආකාරයට යම් යම් උපදෙස් ලබාදෙන්නේද යන සැකයද මේ වනවිට විපක්ෂයේ බොහෝ දෙනාට මතුව තිබේ. ඒ සම්බන්ධයෙන් සජබය ඇතුළේද පසුගිය සතියේ යම් සාකච්ඡාවක් සිදුව ඇති බවක්ද ආරංචිය. ඒ අනුව විපක්ෂයේ සිටින මේ නීති විශාරදයා පිළිබඳ ඉදිරි දිනවලදී යම් විශේෂ ප්රකාශයක් පාර්ලිමේන්තුවේදී සිදුවීමේ ඉඩකඩක්ද මතුව ඇති බව ‘රාජ්ය රහස්’ තීරයට ආරංචිය.
